:
:
:
:
أو قول هالشارع:
يكره يشوف أحباب
ما يفهم إن اللي رْكضوا:
طاحوا بْسلال أعناب
يا نورتي:
ما كنت أقولك من ترف
لا صحّ
لا عزّ
وشرف
كنتي تجيني من شوارعنا التراب
خلخالك الصادي ذهب
وحجولك الفضه مهب
وان بان مكعوبك تقل حفلة شهب!
كنتي تدقي الباب من سور السكوت
وآجيك للشارع حبي
ما اشيل لك خام وعِبي
لا ورد
لا شلت لْعبي
جيتك مثل هالشارع الحافي وحيد
مليان باشعار تْهبي!!
:
لكنها أشعار
رغم الضياق بشارعي
كنت أكتب عيونك بلاد
وغبار حارتنا عبير
يا نورتي لو تذكرين:
كل القصيد الباير بعينك حصاد
زهّبْت به ثوب العروس
وجهزّت مهرك بالورق
لا شغل
لا كذبة عرق
جيتك بلا حزمة فلوس
كل القصايد طرحتك
واحزان بيتي فرحتك!
ما كان هالشارع جدار
ولا كان رمله من حديد
كنتي إذا ضاقوا هلِك
وما لاقوا الخبز العفِن
خطّيتي بايدك في رمال الشارع:
إطلع ما اخبلك!!
لا تاكل وبيتي يجوع!
إياك تبلع لقمتك وآنا بطن داري يْهَلِك!
إياك.. تاكل والف عيب!!
ونقول أيادينا رطب
ونقول ناكلها ونطيب!
:
يا نورتي:
هالشارع اللي رتبوه
وبالورد
والأشجار ياما رتلوه
والله ما احسه لاحد
يا كثر ما فوقه أحد
وعْجزت أشوف بزحمته..
لو ربع واحد من أحد!
وينك؟
تجين نبعثره..
ونعاود لحارة شغبنا (ندفره)..!
وش رايك أنوار الشوارع نعتبرها خاتمك؟
والأرصفه وقْع نْسِمِك؟
قومي نقول الجسر هذا.. مع هذاك:
روجٍ سقط من مبسمك!!
:
يا نورتي..
لو تغمضي عينك عنَه
مادام ما هو من رمل
هالشارع بذكرى الحواير نسجنه
ونقول ما به من حديد
لا اسفلت
لا سكة حديد
وَلاَ نِقول بْيوتنا صارت بعيد
إنتي..
وقولي البيت هذا به أنا
وآنا أقول الأرض
كل الأرض
وجهة نورتي
:
:
:
:
آخر المشاركات
10-21-2008, 12:50 PM
العرض الشجري