لـ خـيـانـة الـتـوفـيــق

[جمال الشقصي]

:
:
:


يا أميره..
تذكرين الصبح من شنطة صباحك؟
يوم يتدلى كتاب الدين من دفتر صياحك؟!
تذكرين الحاره السمرا بشَعرْك؟
لا تدلى (عقصك) بمشهات ظهرك..
كنه المرجان بان
كنه الباب المؤدي للزمان
اللي ندخل منْه لبلاد السنابل
ما نشم الورد الاصفر
غير في شتلة مزابل!
تذكرين عيون جارتنا الكبيره..
يوم تجلد صدفة الطفلين بالنصح الحرام!
يومها تذبح صفاصيف الكلام؟
تقطع النفنوف فيك
وترقع الملقوف فِيّ..!
ما تخلي بشفتك نبرة حمام!
وتذبح بفمي الرغيف
اللي جبته من صغر سني على هيئة نزيف!
في نصوص وخاطره
في الكروم اللي تدلى من غباء الذاكره!
تذكري فرصادنا؟
يومها ما كان ينبت من ثمر
واثمر لخاطر أسانا.. بلادنا..!
:

يا أميره..

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]دمع.. ينما في المحاجر ما يموت=لكن الرجّال موته دمعته
لو بكى.. تنفيه نخوات البشوت=وان سكت ترفض سكوته سمعته
كلما شمع الرضى شبّ البيوت=شفت مقبرْة الأوادم.. شمعته![/poem]

:
:
: