حشرجة صوت وعويل

[رجا المريخي]

كـــــــــ عـــام وأنـتــــم بـخـيـــــرـــــــــــــــــــل

متواضعه لقلوبكم النقيه

[poem="font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أسدل ستار الليل حزنه وإبتدا هم الصباح = وإستنشق الجرح الندي نسمات هالحزن العليل
من وين ماأوجه تعب مليت من كثر الصياح = ياوقت وش عادك تعد هالحزن ماينفعه كيل
ياعاذلي جاك الفرج هاك الجمل نوخ وطاح = ماعاد يقوا للحمل لن الجسم مافيه حيل
الدمع زاد بونتي والآه يتبعها نياح = ياالله طالبك الفرج ماغيرك بعيني أخيل
ضاقت بي الدنيا وانا بعيوني أحسبها براح = كبرت هموم ٍ داخلي والجسم مايقوا يشيل
ياطافح إبكيل الحزن شوف الجسم كله جراح = لاتنبش إجروح ٍ قديمه ولا تخليها تسيل
الجادل الي قد رحل عثى بقلبي وإستباح = دمر مراسيم الفرح في قلب أضناه الرحيل
من بعد فرقاه الحزن خيم بصدري وإستراح =القلب ذابحه الظمى والعين تنزف سلسبيل
حتى القصيد الي نخيته لاتنهد ثم ناح = ماتسمع إلا صوت حشرجته بعد صوت العويل
آآآه ياهم ٍ معتق منه ذاك الجرح فاح = وآآآه ياحزن ٍلفاني بد خلق الله دخيل
وجدها حالي على الي إبتعد عني وشاح = وجد من أصبح خصيمه موت ٍ أحمر له قبيل
أو وجودي وجد عود ٍ تاركينه بالمراح = شيخ ٍ مقدر بربعه وإنتسى وأمسا ذليل
أو وجودي وجد منهو ينتظر كلمة سماح = والخصيم الي قبيله يعرف إنه مايعيل
أو وجودي وجد منهو من خلق مارد صاح = هو كريم ٍ في زمانه وحده الوقت إلبخيل
آآآه ياطير ٍ تردا وإنكسر فيه الجناح =من بعد ماكان يصدح بالسما قبل المقيل
هلت إدموع ٍ بعينه يوم نادوله فلاح = ينتهض وده يجاوب لنه الحر الأصيل
آآآه يامر الليالي كن مافيها قراح = بعثرت فيني ولمت والحزن كان الحصيل
آآه يادمع ٍ تحدر من ينابيعه وساح = إرتوت منه خدودي لين طرطش عالشليل
فَتح جروح ٍ قديمه مالها فيني صلاح = وش يضير السلخ فيني دامي من أول قتيل
هالحزن فيني ترسخ لين أصبح لي مباح = إمتربع بالمحاني وأكرمه قلب ٍ جليل
يانسيم الصبح قلي وين ذاك الفرح راح = ليه ماعمره تنازل أو كسب فيني جميل
آآه ياليل المآسي مابك أية إنشراح = مجرم إبحقي ولاكن مايدينك أي دليل
يامعلمني قساتك ليلك إن زدته كلاح = ماتزيد إلا هموم ٍ تعتصر قلب النبيل
إرفق بحالي دخيلك لاتكثر لي الجراح = وإعتق قليب ٍ تردا مابقابه منك حيل
ظمته سود الليالي لين غطته بوشاح = وإكتسب من جور ظلمك حشرجة صوت وعويل [/poem]

 

[عبدالله العويمر]

رجا


سلم قلبك وحرفك













متابعتي

 

[جُمان]

رجا المريخي ..

وأنت بخير وإلى خير

[ حشرجة صوت وعويل ]
غيمةٌ حبلى بالحُزن ../ وأسمالُ بُكاء
وقلبٌ مُراق على يابِسة أمنيةٍ ذابلة
سكبتَهُ شعراً زلالاً .. / و وهبتَه أرواحنا

قصدية عذبة رغم غلالة الحُزن

شُكراً جداً

.

.

 

[عطْرٌ وَ جَنَّة]

[ رَجا المريِخي ] ..

..حتى الحُزن هُنا لَه طلّة نُور ..
وَلِكُلّ شيءٍ مُتسّع هُنا..الحُلم وَالعُتمة ..العصافِيرُ والطُرقات الخالية..البُكاء وَ العُشب
الآتي لِلمطر .

أبْهجني الشِّعر ../ وحَضُورك
شُكراً كثيراً .

 

[رجا المريخي]

[quote=عبدالله العويمر;389589]رجا


سلم قلبك وحرفك













متابعتي[/quote]

أهلاً بك أخي العزيز وبهذا الحضور النور

إحترامي وتقديري

 

[رجا المريخي]

المشاركة الأصلية كتبت بواسطة جُمان

رجا المريخي ..

وأنت بخير وإلى خير

[ حشرجة صوت وعويل ]
غيمةٌ حبلى بالحُزن ../ وأسمالُ بُكاء
وقلبٌ مُراق على يابِسة أمنيةٍ ذابلة
سكبتَهُ شعراً زلالاً .. / و وهبتَه أرواحنا

قصدية عذبة رغم غلالة الحُزن

شُكراً جداً

.

.

أهلاً بك أخيتي وبهذا المرور النور

إحترامي وتقديري

 

[محمد السالم]

رجا :

صباحك رجاء يتحقق بحول الله

أي والله

ويش يضير السلخ فيني دام ماللأول قتيل

 

[رجا المريخي]

المشاركة الأصلية كتبت بواسطة عطْرٌ وَ جَنَّة

[ رَجا المريِخي ] ..

..حتى الحُزن هُنا لَه طلّة نُور ..
وَلِكُلّ شيءٍ مُتسّع هُنا..الحُلم وَالعُتمة ..العصافِيرُ والطُرقات الخالية..البُكاء وَ العُشب
الآتي لِلمطر .

أبْهجني الشِّعر ../ وحَضُورك
شُكراً كثيراً .

أهلاً بك أخيتي وبهذه الإطلاله النور

إحترامي وتقديري