هدوء

[عقاب الربع]

[poem="font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ومن هذا الهدوء يمرني حزني بلا مـُونتاج = يمر مشهد ورا مشهد ورا مشهد ويبلاني
انا جالس اموت وهالبشر ظنوه ريبورتاج = ضروري لاجل قارئ لاقرا يكره بي الجاني
قهر كل الهدوء اللي عرف يتحرفن الاخراج = لاجل يِسكت عيونٍ همها بس صحة لساني
قبل لفظ النفس قاعد اشوف اهدابهن افواج = تعدن من هنا لين جْهَلن اسمي وعنواني
ورب البيت انا آحس العمر هذا ماهو استدراج = كثر ماهو " ولا شي " وحيابي بس مااحياني
ادوّر صدق احلامي عبث في كذبة الابراج = لواقع عايشه عيشة وزا عاش وتحداني
حزين الليل يثعابي بلا مسرى ولا معراج = أشّرْ العزله اني بين كل الناس وحداني
مكرمني الهي بالنعم من فوق راسي تاج = هو الدايم وكلٍ من سواه وهالعمر فاني
يارب ان شفتني لغيرك ضعيف وإشبه المحتاج = خذ الروح لسماك ولا تليّن قاصي وداني
اسبّل دعوتي والقى المدى مستبشر بـ افراج = وترف اسراب عمري للحياه وتورق اغصاني
تمنيت الاماني والاماني ورثة الحجاج = بقت بس امنيه " بلا ألِفْ " باكر بتلقاني
وتاخذني بهدوء ولا اسبب لالي احد احراج = واروح امشي لمضيفي مايخاويني بشر ثاني
ابرتاح بهدوءة للابد ياعل فيه سراج = من قيود الظلام وابصر بحريتي هاني
هو المدخل عن الناس الكثار ونفسه المخراج = الى حيث الهدوء ومرسمٍ تسكن به ألواني
هو الظل الاخير لمن قضى عمره طليب وهاج = هو اول شي بعد اخر نفس مر وتعداني
هو الملجأ عن انفاس الشوارع وابتسام العاج = ملامح هالبشر اكبر صداع وموت مجاني
أحس الناس .. واشكال الفلل .. والليل .. والامواج = حزينه والنوارس حزنها ينهل من احزاني
تمرك يالبحر حوريتك باكر بلا مكياج = بليا رتوش تكفى يابحر اضحك على شاني
على شاني امانه يابحر خلك طليق حجاج = و خذ من صدرها ضيقة سنينٍ منّها تعاني
انا شعري ملامح من عمر حاضر حبيس ادراج = احسه عاش يكتبي واحسه مات يقراني
انا اسف على الحب وانا اسف على الازعاج = ما انا اول بشر محتاج شيٍ من بشر ثاني[/poem]

الخٌـبـَر
29 مايو 2009

 

[بسام محمد]

اشوى اني جيت اول واحد ..

يا عقاب ..
كل شعرٍ لا تكتبه يداك ليس بشعر ...
أجبني أرجوك ..
أين تكتب شعرك .. في الأرض أم في السماء ؟
لله درك

 

[أحمد الديهان]

.






اين ما يحضر عقاب الربع يرافقه الابداع ..

هنا كرامه / عزه .. عدم تذلل الا للرب سبحانه

نص راقي / رائع كـ انت ..،،


دام تألقك ..،،


تقبل اعجابي و تحيتي









.

 

[سكون]

المشاركة الأصلية كتبت بواسطة عقاب الربع

[poem="font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انا اسف على الحب وانا اسف على الازعاج = ما انا اول بشر محتاج شيٍ من بشر ثاني[/poem]

الخٌـبـَر
29 مايو 2009

لا أسف عند قراءة هذا الهدوء/ بهدوء ايضاّ

شكرا لاطراقة الفكر * الحس هنا

 

[أحمد الهلالي]

نص لا يمل يا عقاب الربع ..

قرأته ، وحتما سأحتاج إلى قراءته ..

لا هدوء هنا ، فكل شيء عاصف ثائر ..

كل شيء هنا يستحث القوى على العمل بأقصى طاقاتها كي تستوعب هذا الدفق الشعري الهائج ..

إعجابي سيدي ..

 

[عبدالله العويمر]

لاتَحْضُر إلاّ بِالفَاخِرِ يَاعْقَاب

هَذَا النَص العَذْب قِرَاءتُه مُتْعَةُ ُ لاتُضَاهَى

لاتُطِل الْغِيَاب يَاعَذْب

 

[صالح العرجان]

كذا دايم من يزور الخبر يرسم للشعر بيت ويترك للبشر دهشة المبنا وكيف أسواره

عقاب الشعر عقاب الربع

صح فكرك وصح نبضك
رد ود

 

[العطر]

حِينَ يَتَشَكل الحُزن في كُل شَي حَولك
حِينَ يَلتَصق بالسَماء .. والليل .. والمَباني والأرض
أيْنَ نَهرُب مِنَه ..
ويَسْتَجِيب البَحر ياعقاب .. لابُد أنّ يَسْتَجِيب إنّ كُنّتَ أنّتَ طالِبُه
سَيَمْتَدْ مَوجه وَيَنّزع جُذور الضِيقة ..!!

[ ما انا اول بشر محتاج شيٍ من بشر ثاني ]

وأكْبَر مِنْ أنّ نُنّكِرها ..

دُمْتَ بـِ هَذا الكَرم الشِعري .. وأهلاً بِكْ كَثِيراً