إلى آخر العابرين في الرمل إلى أبي

[ضحى الوابلي]

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شب العتيم المرتجف من زنـــاده=واركا الدلال الفايحات الطـواري

في ثوب ليلٍ يلبس الهم عــــاده=يسَّهـد عيون النجوم الســواري

أشجــاه ليما حط همـــه وساده=وأبحر بيــم الليل والموت صاري
تـــرجل الفارس وودع جــواده=ذاك الصباح اللي يهل العباري
في سِفر وجهه من بقايا جلاده=قصيدةٍ تقرا على غير قـــــاري
ما حوله إلا حفنةٍ من رمــاده=باقيه تذريه الرياح الـــذواري
لو كان يدري وش توالي هداده=ما شج عسرات النشب بالغداري
ولا بهّْر الدله وطيبه قنـــــاده=ولا شب ناره في رجا كل ساري
هذا الصـبــاح المنكفي في حِداده=يحثي على راسي تراب الهذاري
أعيــــاه إن البيت ودع رشـــاده=والنور عن جاله خجــول مْتواري
أحنى النخل راسه يقبل وهـــــاده=والريح تنعي صبحها للعصــــاري
رحيـلــه اللي قبل يـــروى وداده=كاسي رسمني في عذابـــه مــواري
كم طارقٍ خلته رجـــع من بعــاده=والقي عصا الترحال في بيــد داري
كان الحياه وطيبها في رفــــــــاده=وأقفى زهــابه فرحتي وانبهاري
ما كنـــه إلا يوم يركي شـــــداده=تحت النصايب حط قلبي مبــــاري[/poem]
__________________________________________________ ______

لتغفري لي ياعيدة اعادة تنسيق القصيدة في متصفحك المتبختر حرفاً وتواضعا وجمالاً
أحببت أن أقرأها بهذا التنسيق!!
وودت لو أنّك أمامي وأناأقرأ هذا النّبض الذي غرس في الروح مدائن من نخيل باسقات..
شعور منهمر وحرف باذخ هو ذلك الشعر أعلاه
عيده
لن أقول أحبك في الشعر
فكل وشيجة لايكون الله وأصلها فهي إلى انقطاع
"أحبك في الله "
ولي مايبرراحساسي هذه اللحظة الأكثر تجلياً منذ أن وطأ قلمي هذا الورق
وفي هذه اللحظة بالذات
دعواتي لك بخيري الدنيا والآخرة
أختك
ضحى