أكثر من حنين ..

[ناصر حطاب الدهمشي]

[ المسافة و الغياب ]

النَّاس تخطي ما يهم .. أمسحها فـي وجـه التـراب
..................................... بس البلا وشلون أعدِّي كانهـا جـت مـن صديـق !

ما للخطـا عـذر ٍ كريـم إن وصَّلـت حـد العـذاب
..................................... كلْ جرح ٍ اقدر أبلعه .. إلا إنِّـي أبلـع لـي حريـق !

الجرح لا جا من غريب .. البس عليـه مْـن الثيـاب
..................................... لين يتلاحـم ببعضـه .. مـا اكشفـه حتـى لْرّفيـق

المـوت .. لا جا من خوي أقرب من النّاس القراب !
..................................... ساعتها من قو الألم .. ثوبي علـى صـدري يضيـق

ماهي قويَّة صدمتي .. شفنـي وانـا اتلاشـا سـراب
..................................... في روح ما مدَّت يديهـا لـي و أنـا رجـل ٍ غريـق

حاولت أمررها وهم .. من صدري إلْـ صدر العتـاب
..................................... لكنِّهـا .. نامـت علـى صـدري و عيَّـت لا تفيـق

أكذب عليك إن قلت لك .. طيّب و لا فينـي صـواب
..................................... أبك الضلوع اللي إ/حْضنك شفها من إ/طعونك تويـق

وش تنتظر من آدمي .. صدره بيـادر مـن خـراب
..................................... غنَّابهـا نـاي القصـب شـوق الصوامـع للدقيـق

ما عاد لك فيني مقـام .. أطلـق جناحـك للسحـاب
..................................... يمكن .. يغسِّـلك المطر .. و تعود زي أول شقيـق

ما للمدى ذمة .. و إذا عانيـت مـن طـول الذهـاب
..................................... إخلق من اوهام الإياب إن كان تقدر .. لـك صديـق

يا صاحبي لا تعتذر ... هـاك المسافـة و الغيـاب
..................................... شف لك طريق ٍ ياخذك .. و انا بـدوِّر لـي طريـق

النص .. إهداء لروح غالية جدًا .. صدمتني ..!
.
.
ناصر حطاب الدهمشي