تعال واكتب حالتك/لحظتك شعراً ..!

[مشعل فايح]

يا الله .. يا الله

 

[أمجاد محمد]

سألت الغيوم بأي الدروب القاك يوم ؟
بأي الدروب القاك يوم ...
رد الصدى يعتذر ...
رد الصدى يعتذر ...
لا تنتظر لا لا ...
لا تنتظر ...
حبه وجوده في حياتك سراب ...

 

[سعيد الموسى]

تمّد إيدينك لعينك
تبي تقطف من الآمك
ــ يطيح الحزن متغطرس
ويحقر حضرة الشفّه !
تحّس إنه طفل يتمٍِ
ولايسكن سوى إبهامك
ــ يبات الليل في قلبك
لقى في زفرتك عفّه !
نمى واستوطن أضلاعك
وقام يسب أيامك !
ــ تبي من شيمته رِفقاً
وتسبق قسوته إفـّه !

 

[عبدالناصر الأسلمي]

فداك عيناي يا اشواقها فيها
فداك اشواقها ياعيني رائيها
فداك هذا الفتى الحساس نابضه
والحب في عينه يبدي خوافيها

 

[حنان العصيمي]

بين فرحة لقاك وهم فرقاك
لاتذكرت جرح ولا نسيتك

حي هالشوف ماتنمل دنياك
شف سواة العيون ليا لقيتك

عين تشربك شوف وعين تظماك
لاذبحني ظماك ولا رويتك

قمت اخيلك هنا ... وهناك .. وهناك
وين ترحل بي النظره نصيتك

ان تبسمت قلت الموعد شفاك
وان تمنعت بانفاسي دعيتك

وان طلبت الغلا قلت الغلا جاك
وان سكنت الخفوق البيت بيتك

وان نثرت القصيد بدرب لاماك
ذاع صيت القصيد وذاع صيتك

يارجا العمر لو حفتك الاشواك
ليتك اول طريق القلب ليتك

ودع البرد كف ضم يمناك
صافح الود قلبي يوم جيتك

حي هالشوف رغم هموم فرقاك
لو تناسيت جرحي مانسيتك

( مساعد الرشيدي )

 

[خديجة إبراهيم]

توجعت في صمتي لأن الكتابة نوح
نسيت القلم والا القلم صعب ينساني
ما بين أفضحك مستور والا أسترك مفضوح
بكى دفتري يا قاهر الصمت وابكاني
أبيعك بليلة غاب عنها القمر للبوح
ويشريك من نظراتهم طول كتماني
أعلي جروحك فوق لا طيحوك جروح
وانزلك وإن ضاق الفضاء فيك وجداني
أنا من معاذيرك وأنا المخطي المسموح
ومن قبل تخطي طالتك يد غفراني
خطاك البحر يا عذب منك الخطأ مملوح
خطاي إني الغرقان والموج يجفاني
لك الضحك ما دام الليالي عتب ومزوح
ولي الدمع لا غابوا عن العين خلاني
كتبتك وكني نازعك من حشاي الروح
قريتك ولكن الورق فيك ملاني
(سعد الحريص)

 

[سعيد الموسى]

ويتحّناك الكحل !
يسرق الرمش وينام !
يفرش اضلاعه زمن !
ثم يعصاك بخجل !
ليش أدور بك نشيد ! ؟
وليش أحس إنك
وطن ! ؟
وليش أحس إني فقير ! ؟
من تنادين الجُمل !
وليش أحس إني ملك !؟
من تمرين ل يـِدي !
ليش أحس بربكتي !؟
او مخافة قوتي ! ؟
ليش أجاوب واسألك ! ؟
واحضن بعينك صبى !
ليش أنا مثل الطفل ؟
يصفعه كثر الحكي !
يلبس جروحه
ينام !
يرجع ينادي بخوف !
وده بشمعة صلاة !
ينتهك ذنب المكان !
يخترق صمت الكفوف !
يعبر الشارع ... حزين !
تبتسم له أرصفه !
يرمي شفاه التعب !
وترمي اوقاته يده !
يمسح امطار السنين !
لالقى طفله معه !
تهمس بإذنه : هدير !
وتجرح خدود الحبق !
طبطبت فوق الغمام !
واهمست : تاكل كرز ؟

 

[ضياء شمس الأصيل]

...


يا عازفن عمري على نغمة العود
هذي حياتي غنها لي قصايد




...