على هامش عمق أنثى جموح

[أنثى جموح]

يا رسوله
حبّ يسري داخل العمق بْ سيوله
يجرف اطراف البلايا والمصايب
يحتري في داخله لحظة غسوله
لامتى يبقى فراق الخيّ زي
شي ما له قيمةٍ زي أي شي
شي ما دونه يضيع
صاحبٍ يبقى وضيع
لو عناده باعده وازداد طوله
طول وقتٍ ما التقت فيه الملامح
طول وقتٍ ما لقت قلبٍ يسامح
ما تجوله
ما تجول بْ خاطره لحظة رضا ..
ما يجوله
ما يجول بْ ناظره
وقتٍ مضى ..
وْ ما يجوا له ربع
وْ ما يجيله نبع
وْما سقاه المرّ غير اللي يبيع !

الخوي اللي نسى عشرة خويه
.................... كيف باع العشرة بْ هاذي السهوله ؟
والخوي اللي ولا يقصد أذيه
.................... كيف ما حصّل معاذير مْقَبُوله ؟
آه من ظنٍ رماه بْ سوء نيه
..................... وين يودّي ظنه بْ خطوه عجوله ؟

هو طليقٍ حر لكنه رضيع
صار حضن الصحبة الخضرا حنان
يفقده لا صارت العشرة بِ كان
كان قبل اليوم شيٍ نشتريه
كان قبل اليوم شيٍ نحتويه
كان قبل اليوم شيٍ نحتريه
كان قبل اليوم شيٍ نلتقيه
كان وكان
وكان وكان
وصااااارت الدنيا أغاني
يسمع الكلمات كالناي الحزين
وصارت الدنيا أماني
ويْتمنّى حلم ضيّعنا سنين
وصارت الدنيا حكايا
يحكي القصه , وراحت
وصارت الدنيا مرايا
يلتقي الصوره , وفاتت
كل ما فيها ....
باهت اللون الشقي بعد الغياب
باهت الصوت الشجي دون العتاب
باهت الكون وْ نظامه
باهتٍ صار الربيع
باهتٍ صار الربيع
باهتٍ صار الربيع !