" ترانيم والكل بموت حبي معازيم "

[علي المحمد]

تبي تروح لغيري ياسبة عناي
انت حر وخصيم نفسك!!
بس حط في بالك ياهواي
اناعلى حطت ايدك وغرسك

ياعزتي لي
وياحسرتي وياشقاي
بتروح في عالمك هايم
وبتخليني اعيش باقي العمر نادم..

انتهى كلامي..
وغاب صوته..
ومات سمعي..
والدمع حارق..
ياطول ليل المفارق..
الجو في كل الدروب خانق..!!
أحس الروح تتبع قدرها ومخوفها المعانق..

الساعه عقاربها تدور..
والأرض جدبا مافيها زهور..
زهره سقيتها بكف يمناي
وقطفها غيري وانامالي عذر ولاني معذور..
حذروني ان الشوك بأغصان الحلو الغدور..

شوكة ماآذت يدي..
ولاهي لامست شي بجسدي..
انغرست هنا بين الضلوع..
في اضعف مكان..
في بيت الحنان..
اللي ضيفته فيه وقلت
مكانك هنا ياسيدي..

آآآهـ وين أهرب من واقعي
اركب سيارتي وكيف ماتجي الأمور تجي...؟؟

في ليلةٍ قمرا..
والبرد جلاد..
والمصير ابعاد..
ودفى الروح مخلف الميعاد..

رجفة ايدين..
ودموع تحرق صافي وجنتين..
وقلب مكلوم..
كواه حلمه بنار البين..
اعتليت المركبه
وبدا المشوار
وكنت "نادم" !!

شايل جروحي
على جادة طريق
وسحبت لي أقرب شريط
وبدى القيثارهـ
وبصوت هــــادي
يقول:
مقادير ياقلب العنا مقادير
مقادير وش ذنبي أنامقادير
مقادير وتمضي حياتي
مشاوير
واتمنى الهنى
مقادير

وصلت لمدفن الحب..
وصلت للي ماتمنيته يصير..
هنا من هذا المكان..
بيمسك يدها وبياخذها وتروح..
هنا بينتهي كل الطموح..
هنا بجفف دمعتي..
هنا نهاية قصتي..

اليوم يزفونك عليه..
ياشقى قلبي على شي بيجيه..

صوت الزغاريد..
وأحلامي تبيد..
صوت الأغاني والطبول..
وانا متملكني الحزن عرض وطول..

يارب تفرجها علي..
يارب تقويني شوي..
ابي اشوفها بفستان الزواج!!
بس بتخيل اني زوجها وانها حلالي و لي..

بعد طول انتظار
وبعد ماعشت المعمه
زفوها معه
طلعت وهي ماسكه يده
وانا اطالع من بعيد
ضكت بصدري عبرة وله
ووطيت راسي العنيد
وعدت الشريط من أوله
مقادير ياقلب العنا مقادير

الدمع ماوقف سكيب
ورجعت "نادم"
"نادم" على حظي الردي
"نادم" على قلبي الوفــي
اللي خانه أغلى حبيب

تعديت (الدوحه) و (الخبر)
فوق "الجسر"
وقف المحزون
تحته بحر
وده ينتحر
وده قبل الشروق يموت
واعتبرها الفرصه اللي حرااام تفوووت..
وصاح فيه ضمير الحق والإيمان..
والخوف من ربه الرحمــن..
(أمك) مالها غيرك تنتظر..
وانت تحاول تنتحر..

ارجع وربك يفرجها عليك..
""اكيد بتلاقي من يحبك""..
((مايبيعك يشتريك))..
لميت نفسي وقمت راجع..
أضم في جوفي مواجع..
الوجه الثاني من الشريط ابتدا..
والحزن فيني ماانتها..
صوت ((خالد)) يغني ويقول..
موااادع
وكم خلن قال بعد فرقاه راجع..
موااادع
وكل خل جاك يجيه وقت ويوادع..
ومثـــل الغريب لفيت الشــــــوارع...

عند الاشاره..
وقفت سياره..
فيها كل مظاهر التمدن والحضاره..
هذي سيارة العريس!!
وهذي "ليلاك" جنبه يا "قيس" ..
تشوف قد ايش فرحانه..
وانت بعت عشانها الغالي والنفيس..
آآآهـ يالحظ التعيس...

إلتفت أطالع يمين..
شدني منظر حزين..
شاب يذرف دمعتين..
على أنغام
(((ودعت جرحك)))..

ودعت جرحك للأبد
ودعت جرحك
مالك غلا عندي أبد
ودعت جرحك
كنت ألقى في قربك حنان
وأنسى معك حزن الزمان
غدار مالك أي أمان
وش اللي أنتظره بعد
¤¤¤
شدها الصوت
ولمحتني واقف جنبهم
شافت اللي كان مجنون بحبهم
وشافت الدمعه الأخيره
من اللي حبها وماباع لجل الدنيا ضميره..
يالله عسى بفراقها خير..
يالله عسى بفراقنا خيره..
كانت الدمعه الأخيره..!!!
وكنت ""نــــــــادم"" ...


12/10/1425

نـــادم