تعال واكتب حالتك/لحظتك شعراً ..!

[صالح العرجان]

على لحونك ياصدوق الوسم خايلـت وهتفـت
الله ولي أمـري ولا غيـر الله الوالـي ولـي .. ؟!

 

[غاده]

لاتلومني لابديت اخاف واحاتي /
كل حاجةٍ غاليه ماودّي اخسرها /

ولا اتضايق ، إذا كثّرت جيّاتي /
ضيّعت فيك السنين وجيت ادوّرها !

 

[صالح العرجان]

واشيـب عينـي مـن تكسـر اعبرهـا
يـوم اتمقلهـا وانـا موقفـي حــرج

كـن الحمَـار اللـي يـشـع بنحـرهـا
حبـات رمـان ٍ تساقـط علـى ثـلـج

كـم ونـة ٍ بالصـدر جابـت خبـرهـا
وكم سهرت نجمـه وكـم ذوبـت مهـج

مانـي لحالـي ذابـل ٍ مــن سفـرهـا
ويصيـح مـن فرقـا المظاليـل محتـج

حتـى المرايـا واحشتـهـا صـورهـا
تـرزم عليهـا مثـل ماتـرزم الخـلـج

حـوريـة ٍ قــل الـكـلام بثـغـرهـا
يكفيك عشـر سنيـن ماتسمـع الهـرج

ينبـت بصـدري مـن تهـذرف مطرهـا
روض ٍ ورا روض ٍ.. ومرج ٍ ورا مرج .. ؟!

 

[غاده]

،,

جيت اقتل الفرقا من بلاد لـ بلاد
ملّ الطريق يشيلني ’ فوق كتفه !
وانا بعد مليت . .من كثر ما ارتاد
*هالشّارع اللي كان لك فيه شرفه*
تظمأ عيوني | شوفك |وتشبع سهاد !
عيّا الزمن يقطع ظماها . . بَرشفه
لا وجهِك أسقاها ولا ذاقت رقاد ،
ماغير طيفك . . طيفك اللي اعرفه
كنّه ظبي وعيوني ظلال صيّاد
يجفل قبل يرتد للجفن طرفه

,،

 

[صالح العرجان]

الله يمسي ضحكة شفاك بالخيـر
لذ الوصال وجابت العلم سـودك

مناك جيت من النوى تالي عصير
جفني يضف بجفلـة النـور ذودك

قل مرحبا في شفتك مرحبا غيـر
قل نورت حايل وأقول بوجـودك

ياكبر حبي لك وهو تـوه صغيـر
وشلون لو زاد الغلا عن حـدودك

ودي نطير نعانق الغيـم ونطيـر
ودي تصير اصدق دروبي وعودك

أحلى الهدايا لك قصيد ونواويـر
وأحلى القصايد وردتين بخـدودك

وأن كثرو عقبي كـلام ومداويـر
العود غانـم والبشايـر سعـودك

ليا كتبتك نبت غصـن وعصافيـر
بأصابعي واستاقت العطر نـودك

جبت النجوم وجيت معهن مسايير
ليلة وصال وجابت العلم سـودك .. ؟!

 

[غاده]

عذراً على .. حلمي وصدقي وحبّي
وشكراً على دمعي مع وافر الصمت ،

لو كنت اعرف الوقت وش هو مخبّي
ما كان .. حبيت وصدقت وتحلمت !

 

[نوف سعود]

بعض الجراح إذا داويتها اندملت
وبعضها لا تداويه العقاقير


لـــ / العشماوي ..!

 

[فهد الماجدي]

ياسيّدي,,!
من ينكر اصحابه هفا ْمن البشر.!
مابه وفا,,؟
مابه مروّه او حنان,,
ماله مكان,
مابه بعد حتى الامان,,
عجيبه اطباع البشر,!

ياسّيدي,,!
هذا المسا ,,
اخذ من غيوم السما قطرّة حنين.!
اشتعلت ضلوعي جمر,,
مْن الحنين..
كني غريب ,,
كني في فقير بهالمسا عابر سبيل,؟
ومرّ في دنيا غريبة .!!

ياسيّدي..
هذا الزمن ماهو لنا..
هذا زمان الخاينين..
هذا الزمن كله عنا..
والناس ماهم صالحين..
كل ٍ على نفسه جنا..
يالله عسانا فالحين.
وان كنت عاني فوقتنا.
اسلك طريق الصالحين,,!

ياسيّدي,,
هذا الحنين افخم من اوجاع السنين الماضية بالامس,,!
يا أحبابنا الغيّاب,
صدفة بقدر الله تجون ومقبلين,؟
والدرب نفس الدرب
الخالي المهجور,, يبكي به العصفور,,!
يا أحبابنا الغيّاب ,,
صدفة بقدرالله تجون ومقبلين,,
نفس الطريق الموجع الضخم المهيّل بالحنين,,!
وما بيننا الا الحنين ,,
اللي رواه اليأس,,
ولا شرقت له شمس,,!

ياسيّدي,
خلك على النهج السليم .,
نهج النبي . واصحابه,,واسلافهم والتابعين,!
خلك من اصحاب اليمين,,!


يالله ياللي فوق سبـع السمـاوات
يارازق ٍ طيـر الحظـر والبـوادي

ياعالم اسرار النفـوس الخفيـات
ياواحد ٍ مالـه شريـك ٍ وكـادي

ياخالق الدنيـا وكـل المحيطـات
ومزّلزل ٍ ارض الكفـر والاعـادي

من يطلبه من صدق وشعور نيات
ماخاب عبده لاجـي ٍ لـه ينـادي

جزل العطايا مذلل اصعب مهمـات
بامـره تقـوم ويقعـد ٍ الشـدادي

اتجلّي جـروح العليـل العطيبـات
استغفرك وان شدّن اجيـك حـادي

بي ضيقت ٍ تكاكهـا مـع تونـات
لامـن طوّتنـي احذفتنـي بـوادي

يافارج ٍ هم ٍ بحاظر ومـن فـات
اتوبلك واستغفـرك جيـت غـادي

الوذ بك والعين خشيـه وعبـرات
من خشيّتك ياهادي ٍ كـل هـادي

تغفر لنا اذنوبنا احيـاء وامـوات
أبائنا..وامـاتـنـا..والـجـدادي

ياسامع ٍ عبدك من اْعلى السماوات
ندعـوك وانتـه ماتـرد الايـادي


,