غموضك والوضوح••

[نوف مطير]

الليل شرّع ذكرياته من تفاصيل الجروح
كم لك تداري ليلك العاتي لوحدك بالغنا

وتجر موّالك على لحن السهر ليلٍ يبوح
واحساس هبّت بك رياحة لين ما الغصن انثنى

غامض وضوحك لو تقلّب في غموضك والوضوح
داخلْك يفضح لو تظاهر وجهك بـ قل العنا

ادناة حاجة مرّتك منها غدى صدري يفوح
يا جعْل حزن ٍمرّك البارح مردّه للفنا

اعرف عيونك لا غشاها حزن ما تغدي شحوح
يحنّ لك عرقٍ من اعماقي ليا دمعك دنا

اضحك ترا لي قلب دوم لـْ ضحكتك ضيّه يلوح
ودّه ليا ضعت بـ غياهب ليل يهديك السنا

ودوّر بيدّك في محاصيل العمر ضحكة وروح
يكفي على وجه السهر تقبل بكفّك هالجنا

 

[سعيد الموسى]

رائعة وعذبة يانوف ..

 

[نوف الناصر]

اضحك ترا لي قلب دوم لـْ ضحكتك ضيّه يلوح
ودّه ليا ضعت بـ غياهب ليل يهديك السنا


جميل هذا البوح يا نوف 🤍

 

[سُرَى]

نوف الجميلة
مبدعة وأكثر ❤

 

[محمّد الوايلي]

صادقة هذه المشاعر وجميلة
لغة راقية وروح شفافة ..
صح لسانك

 

[زايد الشليمي]

اضحك ترا لي قلب دوم لـْ ضحكتك ضيّه يلوح

ودّه ليا ضعت بـ غياهب ليل يهديك السنا


:
ودوّر بيدّك في محاصيل العمر ضحكة وروح

يكفي على وجه السهر تقبل بكفّك هالجنا
...
نوف مطير ....
أقسمت بعقلها ... لا تكتب
السهـل ...
هل نقول :
صعوبة سهلة ... ؟
لا .. أعرف
القرار ... قرارها
:
(ودّه لياضعت ...)
كلّنا أصبحنا ... نحب الضياع
بعد ماقدمت نوف ...
مميزات متفرّدة للضياع ...

:



الليل شرّع ذكرياته من تفاصيل الجروح

كم لك تداري ليلك العاتي لوحدك بالغنا
:
الغِناء...
هو دوائي ...
أنتِ من اختار الغناء...
كشم عطر أكاليل الموتى
نــوف ...
شاعرة ... تجيد الرقص المؤلم
بكلماتها ...
تجيد ... فن التحدّث عنك ...
:

رائعة
يانوف

:
ع فكرة
اسم ( مطير )
اسم اخوي وهو غالي كثير
تحيا نوف ويحيا مطير

اشكرك





:

 

[تفاصيل منسيه]

يا جعْل حزن ٍمرّك البارح مردّه للفنا

السلام عليكم ورحمة الله وبركاته
ابيات عذبه رقيقه كـ أنتِ 🌸
راقت لي .. بإنتظار جديدك