...... (( خـــــــبر \ ااااتــــــــ ..!!!! ))

[نايف الروقي]

"
صب الحزن نشرب افراحه
من غيرنا بالشقا سالين
"
نخب الغدر دارت اقداحه
في حانة العم ابو وجهين
"
سجن الفرح ضاع مفتاحه
بين انتباهه وغمضة عين
"
مافيه شاطئ ولا راحه
ياجرح لاتطعن السكين
"
وانياب الاقراب مزاحه
تنهش معاليقنا باللين
"
الكذب لو زادت ارباحه
ما صدق النجم دجالين
"
وحكاية الناس تفاحه
طالت تفاصيلها .. وبعدين ..!!!

"
الروقي ..ن..

 

[نايف الروقي]

"
مدي يدينك للسما وارشفيني
رذاذ بردٍ عود مرطب شفاه
"
بشويش بكفوف الحرير اسكبيني
اعبر دماث الصدر حتى اتغشاه

"

الروقي .. ن ..

 

[نايف الروقي]

"
علي بارق غلاك يلوح
وانا بمجرى الضما غارق
"
واقول فال الضما مذبوح
واحس رمح النوا زارق
"
قم سو بي ماتبي مسموح
سرقتني ونعم يالسارق
"
دامي جسدك التبسني روح
اثنين مابينا فارق

"

الروقي ..ن..

 

[نايف الروقي]

"
قولها لي وبسهوله
وش تبي مني وآمر
"
رفضي يهديلك قبوله
فرضي لك بالود عامر
"
قولها واحصد بطوله
انت لاهل الحي زامر
"
الغلا عرضه وطوله
احتكرته يامغامر

"

الروقي ..ن..

 

[نايف الروقي]

"
مادامني في عيونك حي
كفني في حلكة اهدابك
"
حتى اقيس المسافه ضي
واشعل نواقيس محرابك
"
وابرر الطيش بك والغي
ان السبب عزف زريابك
"
ياشي غيرك غدا لاشي
متى حظر يعرف غيابك

:
الروقي..ن..

 

[نايف الروقي]

"
تخيلي بس ..!!!

احيان من زود حبيلك وتحناني
اسكت واردد كلامك لاسألتيني

"
الروقي ..ن..

 

[نايف الروقي]

"
احيه من بردك
بردك دفا يانار
"
ودك ولا ودك
اسيلك انهار
"
مياس من قدك
منك الرذاذ يغار
"
تطلبني ما اردك
خذني وله واسرار
"
واللي بقا عندك
قلب ٍ نزفك اشعار

"
الروقي ..ن..

 

[نايف الروقي]

"
مليت مني صح
استأذنك برتاح
"
ياجفن ليلي طح
ولاتوعي التفاح
"
باقولها لك قح
قم ولع المصباح

"
الروقي ..ن..