.. يا حـاكم القاهـره ..

[شجـن]

السلام عليكم ورحمة الله وبركاته
نص متواضع اتمنى ان ينال بعضً من استحسانكم وان يرتقي لذائقتكم ..

كنت أحسب..
إنك رفيقي..لااشتد الزمن
في دنيا العجايب..
كنت أحسبك
قوتي في وقت ضعفي
عزوتي بوقت المصايب

والحين .. لا

كل شي فيني تغيّر
مابقى لك غير ذكرى
(وقصة خيانة) تحيّر..

يارفيقي..
صعب ترجع..صعب نرجع
مثل أوّل..
بعد ماخنت ][ العهد ][
ماأظن نرجع حبايب..!!

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتعتذر عـن خطـاك اللـي تعمدنـي=وش عذرك اللي تعذر فيـه يامخطـي
كم جيت ابي قربك وتقسـا وتبعدنـي=تطلب وفايـه ولكـن ماتبـي تعطـي
ماتدري ان شوفتك بالحيـل تسعدنـي=وان اكبر جروح قلبي منك هي سفطـي
وزودٍ علـى صدتـك يومـك توعدنـي=وانا فوادي جريح شفاك مـن مبطـي
ياهيـه ماهـوب حـق انـك تهددنـي=ماني حرامي ولا انته فالقضا شرطـي
وان جار فيني جفاك وجيـت تشهدنـي=شهدت زورٍ معك لو يرتفـع ضغطـي
افرح بقربك وشوفـك حيـل يجهدنـي=واسخط من مفارقك واضيق من سخطي
تشرط علي الوفا واقـول لـك زدنـي=وان جيت ابشرط عليك تصد من شرطي
وان قلت في جوركم ياويـش قاردنـي=مربوط فـي حبكـم ومؤثقـن ربطـي
مادمـت قـادر وسحـر الـود قيدنـي=][ ياحاكـم القاهـره ][ لاتظلـم القبـطـي [/poem]

يالله رووّوح ماأبي منك وعود..
ولا حتى أسف..

خلاص.. آبعد لاتعود
خنت عشرتنا سوا .. ياللأسف..!!

دمتم

 

[شاعر البدر]

يـاهـيــه مــاهــوب حــــق انـــــك تـهــددنــي
مانـي حـرامـي ولا انـتـه فالقـضـا شـرطـي
*
*

مِن زَمَن يا شَجَن
مَا رافَق الشِعر ابْتِسامه

سَهْلَه /شَجَن/نَاي
الصِدْق:

 

[شجـن]

المشاركة الأصلية كتبت بواسطة شاعر البدر

يـاهـيــه مــاهــوب حــــق انـــــك تـهــددنــي
مانـي حـرامـي ولا انـتـه فالقـضـا شـرطـي
*
*

مِن زَمَن يا شَجَن
مَا رافَق الشِعر ابْتِسامه

سَهْلَه /شَجَن/نَاي
الصِدْق:

البدر . .

نورٌُ هو وجودك . . شكراً لذلك

 

[ثامر البلوي]

..

ونص أتى بنكهه مختلفه , وروح تشابه الغيم بعطائها

شجن

لله أنتِـ وصح نبضك وفكرك أنيق هذا النص والرب

قبآئل من الياسمين لـ سموك

(:

 

[نواف بن جارالله المالكي]

شجـــن


لاأدري الى أي فرعون وجهت هذه الصرخة المتداعية ؟

الى رمسيس

إلى خوفو

الى كافور

الى ......!


بوح جميل

وأحساس امتلأ بالعنفوان كأنه يقول لاأريد

وبواطن المعااني تقول الله لوتعلم كم أريد

شجن سلم نبضك .

 

[شجـن]

المشاركة الأصلية كتبت بواسطة نواف بن جارالله المالكي

شجـــن


لاأدري الى أي فرعون وجهت هذه الصرخة المتداعية ؟

الى رمسيس

إلى خوفو

الى كافور

الى ......!


بوح جميل

وأحساس امتلأ بالعنفوان كأنه يقول لاأريد

وبواطن المعااني تقول الله لوتعلم كم أريد

شجن سلم نبضك .

أستاذي نواف
جميله هي مداخلتك وتعليقك
تشرفت بها وبـِك

أشكرك لتشريفك المتصفح

 

[شجـن]

المشاركة الأصلية كتبت بواسطة ثامر البلوي

..

ونص أتى بنكهه مختلفه , وروح تشابه الغيم بعطائها

شجن

لله أنتِـ وصح نبضك وفكرك أنيق هذا النص والرب

قبآئل من الياسمين لـ سموك

(:

أنيق متصفحي بك ياثامر .. / وصح بدنك
لاعدمت تواصلك واهتمامك ..

 

[عبدالله صلال العساف]

قصيده جميله ياشجن
من شاعره رائعه