يانـهـر دجــله وش حصل ..؟ علَم النيل

[عايد السميري]

السلام عليكم ورحمة الله وبركاته

نص جديد أتمنى أن يرتقي لذائقتكم
/

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]البارحه كان أجتماع المهابيل = وأنا الوحيد اللي بهالوقت صاحي
في ليلة(ن) مامر بي مثلها ليل = على عرب سات إبــــ / جميع النواحي
أكشف غموضي وأرتشف غامض الويل = وأرمي على صدر الزمان أقتراحي
ومابين شيل وحط ( لا ) حط ثم شيل = تاهت بي الخطوه وزادت جراحي
أعدل الأفكار وتعّود تميل = وكآن من حولي يدوّد طياحي
ومن نظرت الواقع بدت قلّت الحيل = ولسان حالي قال : تم إجتياحي
أثر صحاياني مثل كذبة أبريل = وأهبالهم خطه لسرقة سلاحي
وأنا مسريها ياشقرا مع الخيل = وصبحي مساي وغارتي في مراحي
وكنت أحسب الأيام دايم تساهيل = وابعد طموحي للمكان السياحي
واليوم أشوف الموت وصل الرجاجيل = تدمير(ن) مدبر إبفرض الصياحي
وتطيح روس بحجة نريد تعديل = والتفرقه ضعف وخضوع إستباحي
يانـهـر دجــله وش حصل ..؟ علَم النيل= عن طهرك اللي صار مسبح إيباحي
وعن قصة أبو غريب / عن عز / عن جيل = سولف ونفس الوضع غزو(ن) إصلاحي
والفُرس قوه لو تهدد إسرائيل = تقياء / وهم أخوه بفكر أنفتاحي

[/poem]

* عايد السميري

الجمعه
6 / 4 / 1432 هــ

 

[سلطان الوثر]

عليك السلام ورحمة الله وبركاته

حيا الله ابو زياد

مشوّق كعادتك
وكعادتك مبهر بالحضور ومُرضي


لي عودة اخرى

بس انت كيف حالك ؟

 

[عايد السميري]

المشاركة الأصلية كتبت بواسطة سلطان الوثر

عليك السلام ورحمة الله وبركاته

حيا الله ابو زياد

مشوّق كعادتك
وكعادتك مبهر بالحضور ومُرضي


لي عودة اخرى

بس انت كيف حالك ؟

الصديق العزيز سلطان

سعدت وتشرفت بمرورك لهذا المتصفح من القلب ( اشكرك ) ويااهلا بك

 

[سلطان الوثر]

عايد السميري

من الشعراء الأركان الذين يهمّنا شعرهم لأنّه صوتٌ عالي ومؤثّر
وذو خامة فاخرة ومبدأ نبيل ومنتى مثله .



وتطيح روس بحجّة (نريد تعديل) !!

علامة التعجّب هنا كبيرة مثل ماتفضَّلت


الكلام كثير حول هذا الموضوع
عموماً أنت وبلا أدنى شك أجدت الطرح

ألف شكر لك

 

[تفاصيل منسيه]

الـ ـ ـشـ ـ ـاعـ ـ ـر
عايد السميري
أبيات رائعه..بصدق..
صح لسانك..
تقبل مروري
دمت بود