( عـنـق الـشـعـر )

[فرج البلاز]

	( عـنـق الـشـعـر ) [poem=font="simplified arabic,6,darkred,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""] شبيت ناري والمشاعر وقايده = وفوّحت قهوة شعر (ماهي بصايده) نضمت قافي من جزيلات فكرتي = ولبست (عنق الشعر) روعة قلايده جملة مشاعر في خيالي تهاتفت = لبيتها والحر وافي وعايده اسوق قافي وادري اني منضمه = للعز يرقا بي وهذي عوايده لجل الوفاء مع القرابه وعزوتي = ورجال في فعل المواجيب رايده ادور اللي بالمواجيب محتفي = طيب وشهامه والتراحيب زايده ولا الردي نفسي تعايب مصافحه = ماضر في حاجة ولامنه فايده ماجيت ادور من وراها على الثناء= ولاني من اللي هزلته في قصايده متفائل بالخير واسعي واجتهد = والزرع لاجا موسمه شف حصايده من فضل ربي نحمده ثم نشكره = ماينحصى فضل الإله ومدايده ياماصبرت وعل صبري له الفرج = ومن حصل الطولات يلقى فوايده ولعيون من هي في سمايه واشرقت = من شفتها والنار شبت وقايده شيهانة (ن) مرت وناظرت عينها = والعشق دق بوسط قلبي وتايده الحب كربن للقلوب المفارقه = الله يعين اللي تعلق رغايده ماضنتي راع الهوا عنه يستكن = لاسمع طاري الحب نظم فرايده لا من سامرته احسه بينفجر = من حر مايوجد بصدره مكايده والنوم لاجا النوم والعين غمضت = لكن قلبه ساهرن من شرايده وصلاة ربي عد مانجم بهالسما = على شفيع الناس حزة شدايده[/poem]