نصوص .. نفذ حبرها

[حسين الحوالي]

العنود .. شكري ( تعـّـذر ) علي .. فلم استطع كتابته ..؟

لقد عدت لكشكولي .. تلقائيا ً .. لأستذكر عجزي !

هو عباره عن ملف ( Word ) صغير .. يوجد في الـ ( My Documents )

لي فيه خطوات كثيره ..

ودروب أكثر ..


والأكثر من هذا كله .. هو عدد مرات وقوفي ..

حائرا ً .. تائها ً ..

بين تلك الدروب .. وفوق هذه الخطوات .. المبعثره

من خلال .. ( قصائد غير مكتملة النمو )!!


لم اكن اظن بأني ساطلع احدا ً على نصوصي .. الغير مكتمله

لعدة اسباب .. لاتهم ..

سواي ..!


لذا شكرا ً على ( تخييب ظني ) ..

وهذه بعضها ..

مع إعتذاري لها .. عن ( خيانتي ) الأولى ..!





[POEM="font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]موقعه بين الحنايا .. ذااااااك سوره = وازي ٍ .. والناس جنبــه " ماتوازي "
منزلك بالقلب .. ماغيرك يزوره = لو غدوا كل البشر عندي عزازي[/POEM]

.
.
.
.
.
.



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يامعبود .. يامحصي ذنوبي = من وعيت وصرت اميـّــز هـ الذنوب
مخطي ٍ دايم وتملاني عيوبي = دون سترك تنفضح كل العيوب
نفسي اللي من هواها ذي دروبي = ضايعه بين المنافق والكذوب
جيت في دنيا على وقت الغروب ِ = قـــّــربت تنهي معاصي هـ الشعوب[/POEM]

.
.
.
.
.
.


[POEM="font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صحبتك مانيب بايعها ولو روحي ثمنها = لانك اغلى في عيوني .. من حياة ٍ ماتدوم
قلت لك من قبل نبدا قصة الحب .. وشجنها = : صاحبك لاحب يصدق .. وان عشق يبقى كتوم
لاتخاف اشكي جروحك .. وإن تزايد بي وسنها = ماجرحت الا الخفوق ..! ومانزفت الا الهموم !![/POEM]

.
.
.
.
.
.



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاحياة ٍ في مداها .. خير .. والعاصي حكمها = لاحياه .. ولاممات .. اصبح لها معنى وقيمه !
وش طرى للي على متن الحقايق مارسمها = مثل ماترسم يدين الراسم اللوحه .. سليمه ؟
وش بلاه اغمض عيونه عن مفاهيم ٍ فهمها = قبل مايفضح سراب النفس .. اهات ٍ عقيمه !
لاوربي .. ثم وربي .. ثم وربي .. ماحكمها = في ميادين الاراضي .. كود ارواح ٍ لئيمـــه
حاربوا للمعصيه واستشهدوا بأدنى قيمها = جاهروا .. ( عيني .. وعينك ) أصبحت غصب ٍ .. كريمه !!
العمى اصبح اماني للعيــون اللي حرمها = وقتها من شوفة النور الالهي .. ياحليمـــه [/POEM]



.
.
.
.
.
.



[POEM="font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عاذلي كـّـذب .. وصـّــدق كذبته = لايهمك عاذلي .. والله كذوب
ماجهلتـه .. ! كيف ابجهل لعبته ؟ = خاسر الثنتين مـّـره .. و( ا )مغلوب
كم دنـي ٍ .. قد تدنت صحبته = في عيوني .. وامتلى غدر وعيوب ؟[/POEM]



.
.
.
.
.
.



[POEM="font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ريم الصغيره .. صارت اليوم .. للريم = تخجل مزاياها .. وتكسف حلاها
ربي عطاها الزين نعمه .. وتقديم = كل العذارى .. بالحسن .. من وراها !
من زين صورتها تمنيت .. لي ثيم ! = من لون ضحكتها .. وواهج سناها[/POEM]


.
.
.
.
.
.


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صوره بلا برواز .. ضمّـت جمالك = وشلون يقدر يحصـرك .. ( حد برواز )!
والحسن كله .. ماتعدى مجالك = انتي الجمال .. اللي يحليه الإعجاز !![/POEM]


.
.
.
.
.
.


[POEM="font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اعذريني مابقى بي موطن .. لأية جروح = انتهى حبك بعيني .. من بكيت البارحه ![/POEM]

.
.
.
.
.
.



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مااقسى زمان ٍ حط دونك .. لياليه = عقب الوصال وعقب عهد ٍ قطعتيه
اليوم ساهر ليلتي .. دون مااغفي = كني غريم ٍ للندم .. والمشاريه ![/POEM]

.
.
.
.
.
.


[POEM="font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يافهد .. وشلون نفسي من بعـَـدْك اليوم .. عافت = كل فرسان القصيد .. وعافت مهور القصايد
كم حروف ٍ عقب ماجتني تفضفض .. استراحت = وابتديت اون لأجل الحب .. وجروحي جدايد
ماعشقت امن العذارى .. طفلة ٍ حلوه وراحت ! = لا .. ابد .. ماقد عشقت .. ولابعد شفت الفرايد
لكن اقرا .. واتجرا .. لاوعيت اللي توارت = خلف ساحات الغيوم .. وفوق توصيف القلايد[/POEM]

.
.
.
.
.
.


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]استفد من جرحك العام .. وكفايه = مابقى بي حيل لجروح ٍ جديده
ايه ياقلبي ترى ذيك .. النهايه = والبدايه ذي .. ماجاتك سعيده ![/POEM]



.
.
.
.
.
.



لااعلم .. هل سيكتمل بعضها .. ويولد من جديد

حقا ً لاأعلم ..

ولكنني شعرت .. بالوفاء .. لتلك اللحظات

التي اشعرتني بقدرتي على كتابة القصيده .. ثم خذلتني !

إذن .. اعتقد انني لم أكن خائنا ً لها ..

بقدر ماثأرت ..

لوقتي ..


الذي كاد يهدر .. !



شكرا ً مرة ً اخرى لكل من شارك بحروفه ..

وجلعنا نتامل .. بصمت

ونتعلم .. كيف يموت الشعور .. في غفله من الفكر !!



دمتم جميعا ً .. لمشاعركم

مدادا ً ..

لاينضب ..


و ..



دمتم بخير ,,








































اخوكم / حسين الحوالي

 

[نواف التركي]

كثير أشتقت

مثل من قبّل تراب الوطن ..
أشتاق

وأحس بفراق
.
.
.
وأسولف
عنك للدنيا يمر الوقت

 

[رجا المريخي]

أبيات لم تكتمل



نيران قلبـي بالحشـا زايداتـي
باسباب غرو (ن) ماخذ الزين كله


راح المقفي وإسبقتـه إعبراتـي
ليته رأف في حال من كان خلـه


أبطلبـه لاجـاه علـم بوفاتـي
دمع (ن) بخلبه بصحوتي لايهلـه

 

[سلطان المسلط]

أبيات لم ولن تكتمل

تجيني ساعة الموعد .. وأموت بلحظه اللقيا
ولكن للاسف .. مابه لقا يا ساعه الميعاد


خيانه ..والخيانه مالها لا طب لا رقيا
عيوني ساهره با سبابها ماذاقت المرقاد


الا يا اجمل بنات آدم ..عيونك مابها تقيا
عيونك من تصيدها ترى (يبطي عظم) ماصاد

أبي من مبسمك (همسه )وابي (بسمه) وابي( سقيا)
وابي (نسمه) توديني هناك لعالم الاجداد

الا يا حظي العاثر والا يا حالتــ ن شقيا
يموت الشخص ماحقق من أحلامه ربع ماراد

نص آخر

أعشقك يلي ذكائك بس على غيري ذكاء
ودامها وصلت لعندي .. أعشقك ياأحلى غبي

انت مثل اللي يفسر بعد جهد الما بمـاء
وانا مثل اللي يفسر ما تقول بما تبي

شفت كبر الفرق بين اللي يتغيبا والغباء
ورغم هذا اعشقك واهواك يا عنق الظبي

 

[فيْصَل الصَقّار]

\
/
\

ياحالمة كانت : حكاية قديمة ، وكانوا :
.................. ابطال " غربة " والحكاية .. قديمة .....

كانوا : هنا ، وهناك : عانوا .. وعانوا
.................. صراع " الاوطان " بـ...عيون الهزيمة

من كان معهم ؟ كان : وجهك ، وبانوا
.................. الله خلق فوق المخاليق غيمة ........،

 

[شــمــ نـجـد ــس]

:

والله أني لو بغيت اكتب قصيد ٍ كالزلال
.................... ما تهيئ لي بيوت ٍ غير صدق ٍ أكتبه

وكان ناوي تعيد عشق ٍ مترف ٍ باقي سؤال
................... وش حياتي في عيونك غير شعر ٍ تكتبه


:

 

[عيون الشوق]

بيت لم يكتمل له أكثر من عام


" لو تبعدك عني الليالي العنيده

.................... حبي لك أقوى من عناد الليالي "


ألف شكر اختي العنود

لهذه المساحه الرائعه

تقديري

 

[منتهى القريش]

أختي العنود

شكرا لهذه المساحة الجميلة ....

................................................

اعترف
ان عمري كان من دونه سراب
وقلبي عتمه
صحرا يسكنها يباب

كانت اللحظه ضبابيه كئيبه
ولما شفته
انحسر
عن سما روحي الضباب

اعترف
اني احبه .. ايه احبه
واعلق اللقيا
فوانيس واماني
لحظه لو صارت بعيده
تملا وجداني عذاب
ترسم انفاسي اغتراب

........................................

في غيابك يا وطن
يلفحني البرد
وادور عن عن عيونك
ما بي اغفى
ما بي أدفى
أخاف باحلامي أخونك

..............................................

يا غريبه
في الدروب المعتمة
ليت قلبك
يرتوي بعد الظما

كيف نقضي هالعمر
بين تسويف ورجا
نرتجي هالحظ يضحك
بين ليت وربما

كلما
شمسك توارت كلما
مرت سحابه
قلتي يا رب
ليتها تبكي السما

يمكن الفجر الي غطاه الضباب
ينجلي حزنه ويضحك
بعد ليله مظلمه