غِنَاءْ !

[خالد صالح الحربي]

:
على قولَتْك يالزّهراني اللي قلت :
جَيت أجمّل وجهي البَارح لـْ..غِيري
ــــــــــ اكتِشَفت ان ما لي بْوَجْهِي عِلاَقَة !
وأغنّيها عَلى بُعْد انْخِذَال وْ جَرْح ،
ــ ويَرْجَع لِي صَدى كُلّ المَرَايا : يَا ..
[ ألَم نَشْرَح لكَ صَدْرَك] يتِمّ الشّرْح،
ــ ولكنّي :
أغصّ بهمزة الأعيَاد والـ إعيا !

 

[خالد صالح الحربي]

:
وادنّدِن لِك ثَلاث أربَع من طْعونِي
ـــــــــ وإذا ماكَفّن الأربَع بـَ..ادَنْ دِن لِكْ !
مِن أوّل مَا أعَدْت الدّمْع لِـ عْيُوني
ـــــــــ إلى آخِر نَبْضةٍ فيني "تمَيْجن لك" !

 

[خالد صالح الحربي]

*
مَا بِقَى بالصَّدْر لـْ. عيُونِكْ [ غِنَاءْ ]
ــــــــ الْغِنَاء : اللّي تْخَبْرِينِه [ صَلاَهْ ] .
مِن وِطَيتِي الأرْض نَبْتَت بِي سَمَاءْ
ـــــــ مِنْ طَوِيتِي الفَرْض مَاتَت بِي حَيَاهْ
[ لَحْن مَائِك ] ظَامِيٍ للـْ انْتِمَاءْ
ــــــــ مَا فَنَا .. إلاّ بَعْد مَا عُودِي نِفَاهْ !!
[ طُزّ بالنَّوتَة ] إذَا عُدِمَ الوَفَاءْ
ـــــــ مِنْ حُدُود النَّبْض لحْدُود الشِّفَاه

 

[خالد صالح الحربي]

https://youtu.be/TQepnBaQPFA?si=Ogwgfpe4e93b8Fc7

*
من قال : بـ انّ الفَنّ يبغى أصابِع ؟!
ــــــ " عبدالله العوّاد " .. افضَل إجَابَة !
عزفٍ ونَزْفٍ مدري منين نَابِع .
ــــــ كِنّه حديث العِشْب لحظة سحابة .
الرّيشة بْكَفّه تْرَفْرِف // تِتَابِع
ــــــ تحليقها لـ آخِر .. مِدَى بالرّحابَة.
🌹

 

[خالد صالح الحربي]

*
[ يقُولون ] و الإهْدَاء إلى : [ لَيْلَى ] .

 

[خالد صالح الحربي]

:
[ ] أو مَاطِلِع صَدّقِينِي
ـــــــ يَا لِك بْصَدْرِي شَيّ ، لَو تِدْرِكِينِه :
مَاكَان رَاهَنْتِي عَلى نُون عِينِي
ـــــــ وَلاَ عَلَى بَحْرِي بْشَظفَة سِفِينَة .
طِلّي بْصَدْرِي مَرّة و قَابِلِنِي
ـــــــ إن كَان بِه غِيرِك فَـ جِذّي وِتِينِه !

 

[خالد صالح الحربي]

:
[ ] مِن مَفْرَق الحَارَة
ــــــــ وانَا دِخِيل الهَوَى مِن يَوم مَا كِنْتِي .
أسَوّي من الوَرَق والخَيط [ طَيّارَة ]
ــــــــ واعَلّق النَّبْض كُودِك .. لا تِبَيَّنْتِي :
تْشُوفِين كَيْف الغَرِيب يحِنّ لِـ ديَارِه
ــــــــ وشلُون لاَ صَارت ديَار الغَريب: أنْتِي !

 

[خالد صالح الحربي]

:
[ ] وْعَارِفٍ هذا الحَنِين لـْ مِين
ـــــ ولكن مِن حَنِينِي لِه ، حَنِينِه يَاتُرَى لِيّه ؟!!
وغَيْم الصَّدْر واللّي لِه هِنَا مَافَتّحَت لِي عِين
ـــــ عَلى غِيرِه ، وَلاَ غَمّضْتَهَا .. إلاّ بـ حِنّيّة :
عَلَى طيفِه وطَيفِه دَفتَر من الشّك والتّخمِين
ـــــ بأوّل صَفْحَة آخِر صُورةٍ لِـ يدِيهْ وْيدَيّه !