يضيق همّي بك و حزني يعزيك
كل المشاعر لك حزينه حزينه
ذكراك قلبٍ ماخفق يوم ناسيك
تنبض لك أشواقه وقمّة حنينه
الأرض تدعي والسما فوق تبكيك
لو يتكلّم هالشجر قال: وينه..؟!
وأصيح يا جدي كثر ماني آبيك
تركتني لعبة زمن في يدينه
اسمعني يا آبويَه وربي يخليك
احمل معي حزنٍ يضيّق مدينه
جف الكلام وكل هالناس تدعيك
حتى الطيور تشيّعك في سكينه
هذي الأماكن همها اليوم ترضيك
أجاوبها وروحك دفينه
ماتنفع دموعي لو تهلّ ترثيك
دام القدر ما فيه شيٍّ يـدينه
إيه أذكرك والشوق فيني يناجيك
وذرفت حرفٍ صادقٍ في حنينه
قلت بحروفي بعض من بعض مافديك
لعلّي اشفي حزن قلبي و انينه
يا جدي المرحوم يا(سيف) أبا أهديك
حرفي و قلبي مع دعاه و يقينه
ينعيك طيبك قبل هالشعر ينعيك
وكل الأماكن من فراقك حزينه
أصيلة المعمري
شاعرة تصيغ الحزن .. بإبداع
قصيدة رغم الحزن طاغي عليها
ولكن قمة في الروعة
لا عدمنا قلمك الرائع
رحم الله جدك..
ورحم الله جميع موتا المسلمين
دمتِ بـ ود
آخر المشاركات
11-14-2006, 06:53 PM
العرض الشجري