حكاية حب

[سعود الزلع]

المشاركة الأصلية كتبت بواسطة نواف الشرمان

ياشينها فرقا تحدك على الموت = وياشينها موته من اسباب فرقا

الصدر ممحل ..وادري الحظ ممقوت = لكن بخآيل وارتجي نوض برقا

صدري يضيق من الحزن وانفجر صوت = كل مازعجته ..ردت النوح ورقا

موال حزني ..مو على لقمة القوت = لاوالذي حبٌب الى روق برقا

سبة (حكاية حب) مع .. توآم التوت = قفى ..وطاحت من على الخد زرقا

تكفى يازاجل ..دام مافادن سكوت = وصل كلام ٍ يطرق القلب طرقا

ان غاب عني ..طيب الذكر ..منحوت = غلاه في قلب ٍ كذا راح سرقا !!

قل له احبه ..وان حصل فاتن الفوت = بترك( شمالي) ناوي البعد (شرقا)

وقل له يازاجل ..ان نزف مني بيوت = من سبته ..لاسالت الطرس غرقا

بيني و بيني ..ولعت (نار جالوت) = ارقى ..واطيح ..واندب الحظ ..وارقا

ياشينها فرقا..تحدك على الموت = وياشينها موته من اسباب..فرقاااا

صدقني يانواف من اول بيت ,,, وانا اقول هذا النص ليس عادي ..

حبكـ ,, وسبكـ .. وصياغه متفرده القليل من الشعراء يجيدها بهذه البراعـه وبهذا التمكن

نواف
وقفت على شلال احساسك العـذب وارويت ذاقتي منـه ..

لله دركـ

تقبل جل الاحترام