|| أنَفِضْ غِبَار ذِكْرَى .. ~

[ناصر الغامدي]

الَمطَرْ .. وِشْ هُوْ المَطَرْ ؟
دَمْعَة سَحَاب ..
عَلَى خَدْ التِرَاب ..
خَطّتْ شِعِر

الَمطَرْ .. وِشْ هُوْ المَطَرْ ؟
مَعْزُوفةْ نَغَمْ ..
تِلْمَسْ جرُوحْ النِّدِم ..
وتَشْجِي الوَتَر

الَمطَرْ .. وِشْ هُوْ المَطَرْ ؟
هَمْسَة حَبِيبْ ..
فِيْ مَوْقِف مُهِيبْ ..
لِقْلُوبْ البَشَر

الَمطَرْ .. وِشْ هُوْ المَطَرْ ؟
يَرْسِم صُوُرَة سَرِاب ..
لِطْيُوف الِلقا ، وطيُوف الغِياب ..
ويَبْكِيني الّنظَر

الَمطَرْ .. وِشْ هُوْ المَطَرْ ؟
فِيْ كِلْ قَطْرَة حِكِايَة ..
تَحْكِي فُصُول الرّوَاية ..
ولَحْظَات العُمُر

الَمطَرْ .. وِشْ هُوْ المَطَرْ ؟
...
..
.

أَتَعْلَمِين أيَّ حُزْنِ يَبْعَثُ المَطَر ؟ .. وَكَيْفَ يَشْعُرُ الوَحِيدُ فِيهِ بالضّيَاعْ }

 

[ناصر الغامدي]

1،
يا طلال أبسألك ..
هو انت اللي عزفت العود ؟
أو العود على أوتارك عزف
هو بينك وبينه حدود ؟
أو أوتاره وريد .. من قلبك نزف !


2،
في إحساسه أنين
...... له دموع الناي سالت
في نبراته حنيــن
...... له طيور الشوق ناحت


3،
هذي الـ " مقادير " ..
وانت ادرى وخابر
كلنا في شوفها .. مثل الضرير
وكلنا .. على الذنب صابر
انهت خطاك كل المشاوير ..
وانهيت دربك بالوفا .. وكان الدرب غادر !


4،
" لا نفترق " ..
غنّيتها وصوتك مختنق
كنك دريت انك بتغفى ..
وعن كل الدروب .. بتنسرق
نفترق ؟ كيف حنا نفترق ..
دام صوتك حي ، ومع الخلود .. هو متّفق !

5،
البارحة فوق كرسي
جلس موّال ..
كان يصغي في خشوع
كان يرجف بانفعال
قال لي بنظرة خضوع
تحرقه عَبْرة سؤال
اليوم ما عدت أدري ..
هو أنا موّال .. وجراح ؟
أو .. هو أنا " طلال مدّاح " ؟

6،
لثغة طلال ..
ساحرةٌ للقلب .. لا محالة
زادت الموسيقى .. آلة !

7،
انت الطرب يا موجع العود بالعزف
......... سالت حروف الشعر عطر الشجن فاح
كنك تسوق العود سوقٍ إلى الحتف
......... ما كـل قلبٍ .. قاويِ حمل " مدّاح "

8،
لحظة وداعك كانت مريرة
كانت وهي بدون حروف ..
في الشعر قصة وسيرة
العود ارتمى ملهوف ..
على حضنك ، خايف مصيره !
تعب قلبك من الوقوف ..
وصوتك توارى .. يجمع أوراقٍ أخيرة
اختفى صوت الكفوف ..
وفزت قلوبٍ .. بين خوف وبين حيرة
هو صحيح اللي نشوف ؟
لحظة وداعك .. يا هي مريرة

طلال وما في الأيك شادية .. إلا وساجَلَها في كفك الوتر }