[ #مَعْرِضٌ وَ تَعْلِيْقٌ ]

[نوف سعود]

.
.
تمسكت الحروف بصدر الورق لين فقدت الصبر وطآحت ..؟!

 

[شذرة السيف]

دمعه ( وفا ) طاحت , وطحت أنت وياها
................ما عاد باقي صبر ( لا تبكي ) وتشّره :-

لـ تّقول عشّره حرام ( أمشي وأنساها ) ؟
................أنت آخر أنسان يتكلم عن ( العشّره ) !

 

[شذرة السيف]

( عمياء ) وتستاحش ليا مرها زول
..............ورغم الغناه تعيش عيشة مساكين

مايهمها ( الالماس والدر واللول )
...........ومايهمها ( جاه وجناب وملايين ) :-

ومايهمها :- المعقول والغير معقول
.............أهم حاجه عندها ( تمتع العين ) .!

تسالني :- الدنيا لها لون ؟ وأقول :
..............الدنيا سوداء مثل مانتي تشوفين !

 

[شذرة السيف]

صورة ( مريضه ) كلها شعور وإحساس ،
.................. من حزنها تعطى المصور ظهرها .. !
تبي تعيش وتشبه بشكلها الناس
................ واكـبر امانيها .. تمـشط شعرها .. !

 

[حنان العصيمي]

المشكلة : ماهي ذكرى وتنبش ترابها
السالفة في العِلل اللي ماتحسب وقتها
القلوب حسابها ..

 

[شذرة السيف]

هذي العصافير الصغيره وانا اخوك..//..الجوع خلاها تصارع على الكيك !!..
يعني ترى ( لاجاعوا الناس باعوك )..//..وخلوك جايع بين بايع وشاريك !!.

 

[شذرة السيف]

قصة عنآد
إستوطَنت داخلِي [ غَصب ]
ما أقدَر أجآمل نآس مَا يعجبوني !

 

[شذرة السيف]

سالت دموع المفارق والحزن غنّا
تكفيك الاحلام والاحزان ..تكفيني

خان الغرام القلوب! وكلنا .. خنّا
تركتك البارحه ، وانتي تركتيني

انتي وانا و الوفا كنّا ... .ولاكنّا
خنّا..! وشوق اللقا ما عاد يغريني

لو يبتسم للفجر حلمٍ بكى منّا
ما يبتسم للزمن حزنٍ ربى فيني

روحي وغيبي ترى ما عادنا حنّا !
جيتك شعور وشعر بس مافهمتيني

لا تسألين العمر وايامنا.. عنّا
يكفيك حلمٍ قسمته ..بينك وبيني

ما طاحت دموعنا يوم الحزن غنّا
طاح ( الغلا والوفا ) من عينك ، وعيني .!