~~ مـ ـطـ ـر .. وأشـــياء أخــرى ..! ~~

[عبدالله بن زنان]

.
.

.



غفرت لك ظلم اشتياقي / وحنيت
ولقيت ظلم الليل : باب اغترابي


طال انتظاري لـ السحابه / ولا جيت
ومن يومها لـ الشوق : قفلت بابي ..!



.
.

.

 

[عبدالله بن زنان]

.
.

.



كل مازادت أحوال الغريب اغتراب
شبَ ضوَ الدروب .. بجمرها يعتني


يسأل الشوق ليه احنا سلبنا الحصار
وليه أنا عشت لجلك وانت ماعشتني


كنت لك كل مايمكن وكنت الكتاب
وانت كل العمر خنته ولا كنتني


اشتريتك بكل احساس / زحمة عذاب
كنت لي كل شي / وللأسف بعتني


المطر بلل أطرافك .. وذاب السراب
وانت راوي مطر عمري ولا امطرتني


رحَ لك الله .. وانا بـ سكن دروب الغياب
ذنب عشقك خطية .. وانت طهرتني ..!




.
.

.

 

[عبدالله بن زنان]

.
.

.




وين أروح بليلي المعتوه .. حزن / وذكريات
وين أودي وجه يأسي ..؟؟ والوجيه ملونه



كل درب يعيدني : فوضى / وأعيش بلا جهات
وكل نظرة من عيون الصبح / فعلاً محزنه



آآه ياوجد الظروف الثايرة / ظلم وشتات
وآآه من عين السنين .. ودمعها كيف احضنه ..!!




.
.

.

 

[عبدالله بن زنان]

.
.

.



الحب وسم أرواح في خاطر الما
الحب طير الصدق والريح الأيام



الحب ومضة نور في بيت ظلما
وأنفاس فوضاها مشاوير واعوام ..!



.
.

.

 

[عبدالله بن زنان]

.
.

.



كل ماجيت السحاب القاك أرض
ولا نزلت الأرض ..رفرفتي سما


وين أودي وجه حلمٍ صار فرض
وانتي عيوني ..وفقدانك عما..!




.
.

.

 

[عبدالله بن زنان]

.
.

.




قافي على مفرق سنة / يبكي أشياء
موت السنة وغياب روحي بروحي


إلى متى يارب .. بنموت أحياء ؟
وإلى متى يارب .. تنبض جروحي


آسيل في كل المتاهات ... باشلاء
ماني أنا ... والدمع يهدم صروحي


كني شتا / كني مدى .. كل الأنواء
مدري وش آآسمّي : حكاية جموحي


خيلي يقود الصبر / في كل الارجاء
واحفر معه نقش المطر في صروحي


واواجه رياح العنّا / غربة الياء
وارسم جنون الما .. على ضي لوحي


جمر السنين يزيدني / موت واعياء
وليل الحنين .. يعيد لي / نار بوحي


وآآغيب فيني .. واذكر النور حواء
وآضيع في ظلما .. مراسيل نوحي


النور نبض ارواح .. وحكاية الماء
هي حلم روحي / دام روحي بروحي ..!





.
.

.

 

[عبدالله بن زنان]

.
.

.






بروحي طيش حلم / وحلم آتي
وحلمٍ مات .. ماله أي قيمه ..!


تموت احلام / والأفراح تكبر
يموت الناس .. وتعيش الهزيمه


لك الله ياوطن حزنك كسرني
ولا لي في سحاب الظلم ديمه


عيوني شافت أبعد من عيوني
وحلم الناس صار أكبر جريمه


قريت اللي بعد ماصار فيهم
وشفت الذل يرقا في غريمه


ألا ياحلم .. وش حيلة جروحي ؟
وانا وافي ... وكلي نبت غيمه


سكوتي حزن / في بعض المواقف
وصوتي طفل .. وافكاره يتيمه


تموت اطفال بعيوني .. وصدري
يعيش الظلم .. وايدينه كريمه


تعبت أشرب جروحي من جروحي
تعبت الليل ... والحرب الأليمه


شرف ضايع / وعزم يموت فينا
خيانة أرض .. والنية سليمه ..!!


وطن يكفيك مني .. دمع عيني
ويكفيني غياب .. أرضٍ عظيمه


تعبنا الحلم .. وجنونه وموته
على الأوراق .. ماله أي قيمه ..!!!!




.
.

.

 

[عبدالله بن زنان]

.
.

.





ياكثر زحمة خاطري .. ليل في ليل
واشلاء تهدي جرح .. واشلاء ماتت


كلمة " تعب " فيها تعب ينسج الويل
الصمت عنها جرم والصوت خافت


فيني جبال الهمَ / تركض على خيل
والخيل في درب المسا ماتعافت


متوجهه شريان / ماعاد به حيل
صرخة عروق .. بذل / مايوم نامت


شمعة عيوني / عدلها أسود الميل
مايوم كف النور .. فيها استقامت


فيها أمل / يكبر مع دمعة الجيل
وفيها طيور الحلم .. بالصوت حامت


حسرة زمن تافه / تثنى به السيل
واحتار كيف يعيش .. والناس ماتت ..!!






.
.

.