اقتباس:
المشاركة الأصلية كتبت بواسطة وديع الأحمدي
بثينة ,
أولا : الله يوفقك يارب ,
ثانيا : فاجأتيني , إنك بنت كار , أعانك الله , نحن السابقون وأنتم اللاحقون : (
ثالثا : اذا حابه تركزي في الاختبار لا تقرئي أي رد من اللي فوق , من يوم بدأنا أنا وسعد في شعبيات الحجاز وقراه , والله مضر بالصحة جدا , ويمنع التركيز
رابعا : تحليل النص بشكل عام مادة من أجمل المواد , أنا مادرستها لأني متخصص نحو , بس قرأت عنها , فعلا جميلة جدا ,
الله يوفقك ,
تحاياي
|
أول شي ، شكرا عالدعوة و الحمدلله حليت و ان شاء الله بس يجي مني لأن تخصصي مو عربي انا ماخذة المادة هذي اختيارية " حُرَّة " ..
ثاني شي ، فاجأتني ، لأني ما اعرف اش يعني بنت كار و جلست احوس لين احد قلي اش يعني D: و تفاجأت بمفاجأتك ..
ثالث شي.. أنا أساسا عندي مشكلة عويصة مع التركيز و كل مقالاتي ترجعلي عليها احمر : إررليفنت ، عندي عادة سيئة جدا في الكتابة اني اشطح و اطلع برا الموضوع و ادخل عباس في دباس .. لأني استخدم اسلوب stream of conscious ف دايما في تشتت في كتاباتي ..
والتركيز دا معاناة عندي
المادة جدا ممتعة ، بس اتوقع مستوى المتعة يعود للأستاذ .. الحقيقة دكتورتنا راااائعة بكل معنى الكلمة أسلوب و شرح و كل شي الله يعافيها و الحمدلله اني اخدت معاها .
بالنسبة للسلم الموسيقي و المقامات هي فعلا داخلة في علم الأصوات بس انت اش عرفك D: انا اعرف لأني ادرس صوتيات و علم اصوات و الخ بس انجليش ..
بالنسبة لي .. التحليل في الأدب العربي أصعب من التحليل في الانجليزي .. دائما في تحليل القصائد و القصص في الأدب الانجليزي عندي اضافات و الأستاذة الحمدلله تنبسط مني و كثير تقلي انه اول مرة تسمع بالتفسير الي اعطيها هو ..
بس في العربي ......... أنا اسكت تماما !! ولو تكلمت احس مالي داعي ...... بس انه اليوم جلست اخترع D: وان شاء الله يجي مني زي ما يجي انجليش
طبعا لا تسألني ليه اخدت مادة حرة من العربي لأن كل الناس متفاجئين بدا الشي / انه انا تخصصي أدب انجليزي و اخد مادة حرة من صميم العربي .. بس جد انا مستمتعة فيها .. جدا جدا جدا حتى لو ماطلع مني بس اساسا احسها تساعدني في الانجليزي ، حاجة زي ترسيخ مبدأ التحليل .. لأنه نفس الشي الي بنسويه في محاضرات الأدب بنعمله في دي المادة .. و الأسبوع الجاي ان شاء الله عندنا انشودة المطر و حتسمعنا هي الدكتورة بصوت محمد عبدو، D: الفلَّة !
يصير ان شاء الله لما أخلص تكليفي تحليل نص لمحمود درويش انزله و تشوفه ولو انه حيكون بسيط بس اسمه شغلي انا D: