~~ مـ ـطـ ـر .. وأشـــياء أخــرى ..! ~~

[عبدالله بن زنان]

.
.

.





الياسمين / وضي روحك / وطاريك
رحلة مطر / ما بين روحي وروحي


إما تعااالي اليوم / واسقي أراضيك
ولاَ هديتك .. مابقى من جروحي


الى متى .. والسيل ماءه يراضيك
إلى متى وانتي .. حكاية طموحي ..!





.
.

.

 

[عبدالله بن زنان]

.
.

.




في مهب الليل برد / ولا جديد
ذكريات / وسيرة الغصة / وأنا


لا نحرت الليل .. باطراف الوريد
فاح عطرك .. والدما/ تكتب عنَا


ولا لبست البرد / بعيون البعيد
جيت يمك غصب .. والبرد انثنى


غربة الأنفاس / تكتبني وحيد
والحنين .. جيوش وانصال وفنا


لوحة الأيام / أحلام وجليد
والمطر .. ماعاد له لون السنا


السيادة غيم / واشواقي عبيد
والمدينة صمت .. والليل اغتنى


هات بعضي .. لجل كلي بك يزيد
وخذ عيوني .. لاتخليني هنا ..!





.
.

.

 

[عبدالله بن زنان]

.
.

.



بعض المطر .. غيمه وديمه وإحساس
وبعض المطر .. مافيه مـ الذوق حاجه


وبعض البشر / ودك تشيله على الراس
ويصير تاجك .. وانت بالضبط تاجه


وبعض البشر .. ودك تغطيه بنحاس
وأقرب بحر .. ويعيش مأخذ خراجه


الفرق واضح .. بين معدن وألماس
قلبٍ لطيف / وقلب .. كنه زجاجه


ياصاح / لا تتعب على شيلة الفاس
دام السواقي .. واقفه في حراجه ..!




.
.

.

 

[عبدالله بن زنان]

.
.

.




حين يحاول السكر أن يذوب بين عروقك فلاحيلة له سوى الإنتظار ..



الإنتظار رحلة ..!!
طويلة في عيون الوفاء .. وقصيرة في عيون الخيانة ..



الخيانة .. كائن يعيش بقلوب لم تخلق للحياة ..



الحياة ممطرة دائما .. فقطرات النبض ليست سعيدة دائما ..



دائماً .. تبكي الأنثى في أوقات كثيرة بماء وملح ..
ولايبكي الرجل سوى بمااء .. وفي الأوقات التي لاتبكي فيها الأنثى ..



الأنثى .. نبضة دافئة .. تحب السماء وتحب
الظل ..

ولهذا فهي غير مستقرة بين السماء والأرض ..



الأرض .. مجرد طين لايحس إلا حين نُحس به .. ولا يموت إلا حين نموت جميعنا ..



جميعنا وطنيون إسماً .. وبعضنا وطنيون قولاً ..
وبعضنا وطنيون فعلاً .. وآخرون لم يجدوا وطن ..!!




وطن / تكتب ..

(و)ترٌ (ط)ـهره (ن)ـبض
(و)ردٌ (ط)ـوقه (ن)ـجاه
(و)بلٌ (ط)ـعنه (ن)ـزف
(و)ليدٌ (ط)ـعمه (ن)ـهر
(و)حده (ط)ـار (ن)ـسياناً
(و)رقٌ (ط)ـيشه (ن)ـحن

فاقرئه كماتريد أن تكون ليكن ..!!



ليكن باب الحلم مغلقاً .. لامشكلة

ماعليك سوى أن تقفز إليه من شباك الأمل ..!!






.
.

.

 

[عبدالله بن زنان]

.
.

.






الديمه اللي زلزلت / خاطر الروح
بين الحنايا .. تزرع غصون كادي



ماهي مطر / لكن لها صوت مبحوح
أوتار شحت بالندا .. وانت غادي



لاوين أبهدي هالمدى / عطر وجروح
لاوين بآعيشك .. وموتي ينادي



واللي خلق من نظرتك .. سحر وجموح
ماشوف غيرك سال .. في كل وادي



هذي شرايين الوله ... تحكي النوح
وهذي خيوط الغبن .. لفت ايادي



زحمة قيود .. تعذب الليل وتروح
ولاجا الصباح أشوف عينك بلادي



وحدك حضنت الما وانا اعاشر طموح
ووحدي بكيت الحلم / في ركن هادي ..!





.
.

.

 

[عبدالله بن زنان]

.
.

.





راحت مواعيدك .. على باب " يمكن "
وباب الوّله .. مفتوح لك طول عمري



إما تجيني .. مزن بـ الحضن تسكن
ولا بجيك دموع .. وتشوف صدري ..!




.
.

.

 

[عبدالله بن زنان]

.
.

.



طيور الود ..

ماخلت اغصون الشتا البارد

تموت من الحنين ..!

بين أخذ وبين ردّ ..!

زحمة رياح وأماني

واقفة بشموخ شيخ ..

واقفة باحساس وردة ..

غافيه / ديمه على روض الحنايا ..

تهدي النصل الحياة

وتسرق الأحلام من عين السنين ..!


قصر عالي

من ظلام ومن أنين ..!

تشرق بوجهه سموم العشق

موال الفنّا ..

مابين يأس وبين حمّى نبض مجنونه

بدرب الحايرين ..!


ياتفاهات المطر

والليل فستانه ثقيل

ومن لبسه

إلا دموع تزفني مني

وتهديني سمااء العابرين ..!



.
.

.

 

[عبدالله بن زنان]

.
.

.






روح تسكن روح ..

والباقي سماااء ..!

لا جفاف ولا اعتناء ..

كل مابالنور ظلما ..

والعيون الذابلة حمَى رجاااء ..!



يا أمير النور ياطعم البقاء ..

ماسألني عنك غيرك ..

يوم عانقت السحاب المختلف جمره ..

وترحيبي سماااء ..!



هات بعضي ..

لجل بعضك ..

لجل يتسامى على شارع حنيني

صوتك العذب الضياااء ..!



ياحبيب النبض ..

يانبض المساااء ..

مالتعريف الدموع إلا غلا ..

يسكن مواويل الحياة ..

ويحتفي بفراقنا ..

صوت انتماااء ..!



مابكيتك ..

ماهويتك ..

مارجيتك ..

ما احتويتك ..

ما عطيتك ..

ما لقيتك ..

كل ما بالأمر .. نقش لـ روح .. في مجرى الدمااء ..!




.
.

.