ملاحظات غير مهمة..! مدونة يومية للجميع....

[محمد عيضه]

سماء غازي

أتحداك تكتبين ملاحظة غير مهمة...!

 

[محمد عيضه]

قريب يابندر قريب ربي يوفقك ويغنيك بالحلال...

لمتعب التركي
خل عينك تهل دموعها وش عليك
انت خدك ورود ودمع عينك ندى..!

 

[خالد الحبشان]

المشاركة الأصلية كتبت بواسطة محمد عيضه

قل لها
(كل دمعة من عيونك...
اشتريها بألف خاطر..)

المشاركة الأصلية كتبت بواسطة بندر الصقر

لما ألاقي الركوبه يامحمد وصّني على الركوب ..




لا قلها :

إبكي ترى كثر البكا يغسل الهم
,,,,,,,,,,,,,, إبكي على ما فرّطت به يدينك ..

المشاركة الأصلية كتبت بواسطة محمد عيضه

قريب يابندر قريب ربي يوفقك ويغنيك بالحلال...

لمتعب التركي
خل عينك تهل دموعها وش عليك
انت خدك ورود ودمع عينك ندى..!

يابختكم من جد أغبطكم ياحلوين تقدر تفضفون مشاعركم لشعر
بس انا مااعرف لا للوزن ولا أجيد حتى اللحن :
تدرون بقول اللي بخاطري والهادي الله ..

تدرين ياحبيبة وش آخر ماوصلنا له احنا من بعضنا ضعنا
تدرين ما يجرحك غير صدرك بعدي هو فيه أحد يقدر يضمك
تدرين أصلا كل الاماكن ماعادت تشبهك كل الأماكن من فخامتك صارت تستكثرك
يآآآآآآآآآهـ صرت أخاف أجرح غيابك وأنساك
أخذوك لبعيد هم يدورن أنك عنيد تقدر تهد الباب الحديد
انا هاللحظة أتسائل مدينة بريدة كيف تقدر تجمعك وانا ماقدرت أودعك
كذبة قدر ترانا ما أنخلقنا لبعضنا
يابنت الحلال مالك ومال الفقير كافي عمك كان وزير

من آخر الذكريات القديمة خالد ليش بريدة اغلب منازلها ألوانها بنية الآن بريدة كلها تحت رجولك وأسأليها

محمد ضحكة طويلة يقول تكفى يانزار قباني خالد مالك ومال الشعر حتى النثر لاتحاول تقرب له
روح روح الله يصلحك تعشى سمك شعور ونام زين وبكرة إن الله أحيانا نعطيك دروس خصوصية مجانا انا وبندر
وانا أقول للحلوين يالله تصبحون على خير
نتلاقى بعد منتصف الليل

 

[وَرْد عسيري]

الأحد ( 10:40 ) :
شارفَت إجازة نهاية الأسبوع على الإنتِهاء ، ينتظرني غدٌ ثقيل .. و اختباران قد بذلتُ لهما الجُهد بكل ما أستطيع ـ أسجُد : ربي إنك
تعلمُ ضعفي فأعني .. ربِي و يسّرهُم من حيثُ لا أعلم و تعلمُ يا أرحَم الراحمِين .. ، لا أشعر بالخوفِ بالقدرِ الذي أشعر فيه بالإعياء ، أكرهُ الحظ السيء
في مفاجأتي بأعمالٍ كثيرة يلزمني الانتِهاء منها في وقتٍ واحد و قصير . لكن لي قلبٌ مؤمِنٌ بالله .. ثم بي .. هكذا قال لي صديقي و صدقتُه .
احتاجُ فقط لصوتِ أبي يدعُو لي و أنام.

 

[مي العتيبي]

:
خالد الحبشان : [ لاتهم ]
محمد عيضه : لا" تطلع " غلط " .. بعدين جهنم وبئس المصير
بندر الصقر : لاتتـّبع ماالفيت عليه آبائك !!

:
:

واما بعد : يأتي فيما بعد ...
طب بسألكم : اللي يجيد خلط اللبن بالماء .. غشاش وحرامي والا لا ؟؟؟!!!

 

[محمد عيضه]

المشاركة الأصلية كتبت بواسطة مي العتيبي

:
خالد الحبشان : [ لاتهم ]
محمد عيضه : لا" تطلع " غلط " .. بعدين جهنم وبئس المصير
بندر الصقر : لاتتـّبع ماالفيت عليه آبائك !!

:
:

واما بعد : يأتي فيما بعد ...
طب بسألكم : اللي يجيد خلط اللبن بالماء .. غشاش وحرامي والا لا ؟؟؟!!!

والله اني اعتبره مبدع جدا وإحساسه عالي
بس يكون الخلط جاي بدون تكلف بطبيعته كذا زي ضحكة دلع تطلع من فاتنة والا اشتهاء تفاحة باااردة في ليلة حمّى والا موسيقى كعب عالي من درج عمارة(ستب باي ستب)
وش تقولين جاوبت والا قربت من الإجابة.!

 

[بندر الصقر]

المشاركة الأصلية كتبت بواسطة مي العتيبي

:
بندر الصقر : لاتتـّبع ماالفيت عليه آبائك !!

كأنّك قلتي توقّع لا تفقّع !! (:

طب بسألكم : اللي يجيد خلط اللبن بالماء .. غشاش وحرامي والا لا ؟؟؟!!!

لا أفتيكم , لكن أرجو أن تراعى إجادته للخلط عند إطلاق الأحكام ..

 

[بندر الصقر]

قالت لي ذات عشق :


[poem=font="mudir mt,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
في داخلي حسّ , بس الناس ماتسمع = تضحك وانا ادري وجيه الناس كذّابه
تعال هات التعب من داخلك وارجع = وانا ازرعه في كفوفي واحضن ترابه
ماضقت منّه لأجل اسبابي الأربع = منّك , يخصّك , يهدّك , قلبي ادرى به
[/poem]


إحترمت العشق كثيرا ولم أنطق فلم تترك مايقال ..
لكن
هل هناك أجمل من أنثى عاشقة ؟!! وإن إتفقنَ في الكذب !!