أوراقـــــــي ...!!

[بدر الحنيف]

،،


لــو كـــان بـيـدي .. كــل ردي ألـــزق بــعــلبــاه أســـتــــكر
.. لأجـــل النـفــوس الـصـــالحـــه .. مــاتـنـخــدع بـ الـتــالـــفــه





دوك أخــتــصــار الـســـالــفــه .. يــاســعــود لـــو غــيــري نـــكــر
.. بــعــض العــرب مــا ودهــا .. شــوف العــــرب .. مــتــالـــفـــه







،،

 

[بدر الحنيف]

،،



ما كـنـت ابـي غـيـر أسـألـك .. كيف الاحـوال
عساك فـي صـحة ومــرتــاح .. بــالــك ؟!


مـــا .. كــن بــيــدك كــل الأوقـــات جــوال .!!
مــن غيبــتــك عــنــي قــطــعــت .. أتــصــالــك ؟!



تــدري : بــلاش .. أشــغــل ورى غــيــبــتـك .. بــال .!
مـــا دمــت مـقــفــي .. ســمـّــح .. الله فـــالـك .!




مــشـــكـــووووور .....!
يـــا الــغـــالي .. عــلــى كــل الأحــــوال ..؟!

مــا دامـــــك أســتـــخـســرت .. بــي .. كــــيــف .. حــالــك .!




،،

 

[بدر الحنيف]

،،

الحـب يتركنـي .. متاهـات وهمـوم
والنفس .. كف الضيق تبحـث خفاهـا

كيف ارسم البسمه على وجـه محـروم
وانـا لقربـك روحــي الله هـداهـا

سحرك .. خذاني جرح وارهاق ملمـوم
بآمال .. تبنـي علهـا .. يـا عساهـا



رغم ان قلبي بأطهـر الحـب مزحـوم
لعيون .. لـو كابـرت يفضـح غلاهـا

كابرت مـا بيّنـت .. واطيـح واقـوم
اكتم... ونفسـي قـام يكبـر .. بلاهـا

أثـر الكـلام احيـان نافـذ ومسمـوم
خصوص .. ممـن فـي غـلاه اتباهـا

كل ما بغيت اصد .. عن وضع .. محتوم
قـام يتغافلنـي .. فـؤادي .. وجاهـا




،،

 

[بدر الحنيف]

،،


عساك فـي صحـة وفـي خيـر ساكـن
وياليت مـن غيبوبـة الصـد لـي فقـت

اشــواق حـبـك بالمحـانـي تـراكـن
وانا وقلبي فـي غرامـك .. تطوقـت

يا وجه منـه أفـواه الاعجـاب .. لاكـن
كل ما أتذكر .. طلّتـك بالحيـا .. ضقـت

لا جيتـك .. أصـوات ٍ بالاشـواق حـاكـن
وامزح معـاك شـوّي .. وألقـاك عرقـت

واليـوم : امّـد الوصـل .. والشـوق ماكـن
وألقاك .. من ظرفـك بصـدك .. تعمقـت

ليـن الغيـاب المّـر .. منّـا .. تماكـن
وأشوف غيرك .. وأعذر القلب .. لا أشتقت

حتـى الصبـاح .. بغيبتـك لــون داكــن
هل تعلم اني مـع.. ضروفـك .. توهقـت

شـف زحمـة همومـك بقلبـي تشاكـن
وشفني .. على طاري لقانـا .. تشفقـت

أغفا .. على وصلـك بالاشـواق .. لكـن
أفيق فـي بعـدك .. وياليـت مـا فقـت

غيرك .. غيابـه مـا يحـرك .. سواكـن
وانت بغيابـك .. ينكسـر غالـب الوقـت




بـــــــــــدر ،،

 

[بدر الحنيف]

،،،



جاني مثل نفحـت عطـر .. ونتشابـي
بلثامة الموت الحمـر .. شفـت لونـه

كنـه يبـت بصمـت عينـه عـذابـي
وانـا اتحـرى بيـن ليـنـه وهـونـه

من زود حسنـه .. والحيـا الانسيابـي
(( مـنـغّــل )) جواله على ((هـاد فونـه ))

ابّـي .. ولكـن غيـر طلتـه .. مابـي
حينه .. سلبني .. بس من باب ... مونه

فاتن وحبـه .. مـن سريتـه سرابـي
معه .. عرفت اصل التعامـل .. مرونـه

شرّعـت لقدومـه .. بالاشـواق بابـي
واقبـل بثـورات التـرف .. والليونـه

من فتـش بحبـه .. جميـع المخابـي
عشته غرام ٍ .. كـان فاضـح سكونـه

غنا .. حضوري داخله فـي .. غيابـي
لكن : حضـوره روعتـه فـي جنونـه

صد .. وتركني .. للحزن .. وأكتئابـي
وانا ادري .. ان ظروف وقته .. تخونه


ليته .. درى في غيبته .. وش جرابـي
وشلون .. راسي قام ينكـر .. متونـه


هذي يا ابو عذبي .. طقوس اغترابـي
في من عزفني .. للغلا .. فـي لحونـه




بــــدر ،،

 

[بدر الحنيف]

،،،




لا يــا عبث حالـي .. كبـرت .. وتكبـرت
ما شفت مادري .. ما .. ما .. حكي ٍ مقوّل

وش بك لزمت الميم .. رحت .. وتحيـرّت
رغم أنك .. أخر من حسبـت .. يتحـوّل

ذخرتك .. لضيق الزمـن ميـر قصـرت
وقلبي بدونك .. صدمـة أصحـاب فـوّل

يا أحلى عبث .. ماهو بعيـب ان تعـذرت
مازلـت فـي عرش المحانـي .. مخـوّل

أنس .. وقدومك كــل مـا جيـت نـورت
ارجـع لقلبـي مثـل مـا كـنـت أول .!
















والله ماهي عيب لامـن تعـذرت
العيب .. ما أدمح خطاك أن تجوّل



بــدر ،،

 

[بدر الحنيف]

،،


كان لين الحين .. ما تعرف غلاك
قلت : فـكـرك .. يا كـبـر بلاهته

ليتني عن هرجـتك .. خـيّـطـت فـاك
لا تمادى .. فـي كـثـر .. تفاهته

حـاكـم .. وقلبي إمـارتـك .. وحماك
يامــلـك .. شــكه .. ذبـح وجاهته

واجـد ٍ بـ ارضــي ولا احــد في سماك
بـ المـحـانـي عـايـش .. بــ رفاهته

منت الاول .. والعـدد يبـدى وراك
كـل درب ٍ عنـك رجـلي .. تاهته

من لبـسـك الشـك .. متباعد رضاك
وأكثـر ظـنـونـك بـّـي .. اشتباهته

والمصيبه .. تتـبـعه على عماك
وعـن كلامي .. سمعـك بـ صقاهته

شـف .. كـبـر حـبـك وسط قلبي حماك
كـل ماهــب .. زعـلـي .. سفاهته

تـدري : ان الشـك يوم انه مـلاك
حـتى مشـيـك .. غـيـّـر اتجاهته

كان ما آخـذ منك .. فـرحـه .. ماعطاك
جاك .. في قـتـل الثـقـه .. شراهته

لـيـه تدبـل كبـدي ؟! .. الله يهداك
الـغـلا .. لا ترسم لــ متاهته

وانت تـطـعـني .. خفوقي ما نهاك
حــّس .. جــو الشـك .. يا ملاهته

ضيقتك .. حامض زعلك .. اللي ملاك
ما لـقـا فـيه الـغـلا .. نقاهته

بــس لا تزعل .. وكل شـي ٍ فداك
من عـذلـنـا .. لا يجـد شفاهته

تبغا .. نقطة ضعف .. قلب اللي هواك
قـلـب في هـ الوقت قـّـل .. اشباهته

لا زعلت .. وضقت منه .. في خلاك
كـل اوقـاته .. تـمـرّه .. باهته

في عيوني .. ما لقيت بـ مستواك
وقفتك .. ما فيه وقفه .. ضاهته

كان شفت الشـك .. عن قـربي حـداك
الغـلا .. قـلت : الخطاوي .. تاهته

كان فـكرك " جــد " جاهل في غـلاك
آاااه .. واصـبـري .. على بلاهته






بــــــدر ،،

 

[بدر الحنيف]

،،




[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مشكور ما قصرت وأردها عنك = بالخوة أللي قلت عنها بلا ساس
يا حيف ياوجه ٍ ملا الضنك بالضنك = يعني انا أللي كنت باغي لك أتعاس
يانفس لا كان الوفا صدق يعلنك = لاتنفضين غبار ، حسرات محتاس
حتى لو أنه كان بالشك ساجنك = تعوذي من ابليس عن كل وسواس
دمح الخطايا لا كثر يشبه التنك = دام الحطب وجهه كسر سطوة الفاس
ان ما وزنك الطيب وشلون أبا أزنك = وأعرفك ما انت بنجس ولا لو حولك انجاس
الأوله : عدت ولا قلت اعاينك = والثانية : خذت لها طول وقياس
والثالثه : صار زعلي ما يحزنك = لو كان عندك باس زرعتني ياس
ياليت هالزلات ما جاتني منك = ياكثر طق طبول مرت ..بلا باس
من بعد هذي كيف وشلون أبـيـّنك = والضرب فوق الراس يأثر على الراس
تخطي عليّ تزعل وأجي واتحضنك = كأنك تشاركني غلا بأخد الأنفاس
وطمعت في جرحي وجرحي يمكـنك = ياخي .. ترى ماني معك بارد احساس
لي هيبة ، وحشمه ، وشيمه ، تراهنك = على الكرامه ، كان للطيب مجلاس
وأقبلت جاسر بالخطا ، شر ساكنك = ألين ما شفت الخطا يقرع اجراس
اسمع عسى الله في ظروفك يعاونك = إلى هنا ، والوضع بائس وحساس
قلي علامك كل ما الوقت يوهنك ؟!= تحط ضيقة خاطرك بأقرب الناس
وانا عن المنقود بالضيق صاينك = وعن الردى حطيت للباب ترباس
انت الوحيد اللي رغم أيش ضامنك = ما يطعن من الخلف لو ضاق واحتاس [/poem]