\\
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]أرّحـب هلا يشبه لها نبا مضيف ابن مهيد = قبل ارتباط الشعر والجزلة وعقد احبالها
باسمكيا ابن سعد الزناتي لا تميل ولا تحيد = من الوفا ترسم على صدر الوفا تمثالها
أقبلت في وجهة نظر مضمون للنص الجديد = باسمي ينادي صوتها واقبلت لأستقبالها
ولو كنت يا فواز طالب شفتك بعيني معيد = لا جاتك الجزله تنزّلها على منزالها
سمعت منك ولا عليك قصوروافي بالنشيد = هاك المعاني حوّلت يمك تقود أرتالها
الله يـبـّـيض وجه رجال ٍ يفيد ويستفيد = والله يـقـطـع حضـرة الشيطان وأسترساها
والشعر كلمة رايها إما عوج ولا سديد = والرجل تحسب كلمته عليه لامن قاالها
مثل الحكي بالضبط يبقى يا ذميمٍ يا حميد = والطيب يفرق صالح العربان من بطـّـالها
والشعر شغلة ثانويه لا أزيد ولا أعيد = فيه الخــليفــة والأمـــه إلخ .. إلخ .. إكمالها
الشعر ماهو.( حــظــر ) لفواه ٍعلى افواهٍ تسيد= عنوانها نسبي وأظن يكفيك عن تفصالها
والشعرمفتاحه فــكــر ينتج قصايد مثل غيد = فــكــر ٍ يلـبّـسها القلادة غــيـر فــكــر غالها .؟!!
ويا كثر. شعار تطول اللي تقول وتستعيد = تملك شعر طيب ورجولة سمّــح الله فالها
والطيب للرجال عـّـزه لو خمع شعره ثريد = لا صار طــيّـب ما تعذرب وقفته وإقبالها
ركز معي قدر الذهب بـيـّـن لنا قدر الحديد = وأم الفتن وش تدخر؟! غير الفتن لعيالها
أتعب على قول " ونعم "وأبذل لها جهد جهيد = وأشــد حيلي لا طــرى قول " ونعم " وأظلالها
والناس ما تجهل مقام الوافي القرم الشديد = والمرجلة ينعم بها من يحسن استغلالها
وأزوال " طقه وألحقه " رد السلام ومن بعيد = وش لك بها .؟! ســلاّلها يـعـدي يا خـّـي سلالها
" شـيـلـمـهم "" شـيـلــمـهم " لا جيت مضمار القصيد = تركض وتلقا " الفرّنكه " مخراجها مدخالها
مبروك مسعد طيعني "خليصه"مبارك سعيد = هذا مثل هذا خبــول ٍ وش عــلاج أخبالها؟!!
هنــا البـلا يا صاحبي ليه المجامل والأكيد = أن البشر فيها بشر " ياحــوّل " حيلة حالها
يخطي عمر على محمد والسبب عبدالمجيد = تغلغلت من بينهم فتنه نطق ولوالها
نبذة بسيطة ردها عني شكى منها العنيد = علاقة الشعار بالشعار جــــد يرثالها
صداقه وحب وتربص تستند بجدار كيد = بـــلا وفاء ولا رجوله والوحل يحلالها .
اغلب علاقات الشعر وقـّـتـية تـّمد .. الزهيد = الــجــرم داخل راسها وشكوكها تبرالها
تتوقعه اليوم أخوك وتاجده بكره ضديد = " طق أصبعك " أصدر شراارة نار كلٍ ٍ جالها
صداقةٍ يبني ويهدم بأذنها ساع البريد = تخديرها الترفيع ثم يحط فتنه شالها
صداقة ٍ بلا ثقة يا اللة عساها ما تفيد = من شـّكها الأسود بدا كل شي ٍ يوّرالها
ينـــّـدر بها خـوة رجال ٍ للزمن تحسب رصيد = الله يعين أكبودها والله يعين إطحالها
يا كثر ناس ٍ مالها حل ٍ سوى رش المبيد = أللي على نـهــج الدسايس صوت كـــل آمالها
والرجل من منطق لسانه يا شقـي ولا سعيد = لا خير في نفس ٍ يناقض فعلها لأقوالها
هذي هي آرائي يا فواز الزناتي دون قــيـد = بعد أرتباط الشعر والجزلة وحـــــــل أحبالها [/POEM]
وسلاااامتكم
بدر
،،،