حلم ..

[عبدالرحمن الزهراني]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحة حلمي خذاني جده=بلشت به واخاف بيّح سدّي
ذكرت من رمشه يماري خده=في موقف ما غاب فيه الشدّي
قلت احترام النفس يجلب وده=يمكن يحنّ ويسقي المنهدّي
عدى وكنه هجمة ٍ مرتده=واقفى وراه احساسي المتردّي
وعاتبت ثقلي ؟ راح ليه تهده=وساسرت نفسي بالحديث الودّي
يا الله علينا لا يغيب ورده=دام المراره لا صقه في كبدّي
له وحشة ٍ بين الضلوع تشده=حر" شلع له في قطا منهدّي
عوّد وقال ارجوك ظلي هده=وانا اتشبث به وهو متعدّي
قلت العفو قال اش تبي في حده=قلت الطريق اللي لكم ويودّي
بالعين خز وهز كتفه قده=قلت الضلوع تأمنك يا الوردّي
يا ضمة العمر الندي والشده=لولاه حالي كان منْ به قدّي
ضرف الزمان في المكان آمُده=واترك مشاوير التعب في صدّي
اقلقتني واياك في اقصر مده=ما بين وصلك وانقطاعك وجدّي
فلا تسرق اللي كلمته منعقده=وتجمّعت لك بالحنايا عقدّي
امرق ما بين اضلاعي المنهده=واورق بقيعان ٍ عسى ترتدّي
وقفى وخلاني وانا من بعده=اشكي لبُعده كيف يقوى بُعدّي
واثار من ذمّ الهوى من جده=وانا بعد با قولها من جدّي
مالي ومال الحب يلّعن جده=لا صار لك حد ٍ ولا له حدّي
ضاعت مشاويري وانا من سده=ابيع واشري في العرب واودّي
وصحيت من نومي بدون مخده=وبلشت به واخاف بيّح سدّي[/poem]

 

[ندى القحطاني]

حلمٌ مصلوبٌ على بيبانِ الرجاء !!
وما مصير الشكوى عندما تكون :
أشكي ل بُعده كيف يقوى بُعدي ؟!
ألغامٌ مزروعه على مساحاتِ شاسعه وسط أغوارِ هذه الأبيات الثائره !!
قائمهٌ على حوارٍ أحد طرفيه الجاني وشاعرنا المجني عليه ..
والدواعي / عشقٌ ك البحر ..بيّدَ أنه بلا ساحل : )
شعرت بخلل في : مابين وصلك وإنقطاعك وجدي !!
أرى لو أنحذفت كافيّ الخطاب ل أستقام المعنى والوزن كذلك
وأنت أعلم بها يا نقي : )
ودام المراره لاصقه في كبدي ..
وأنا تحديداً ( لصقت عند هذا البيت الصادق حدّ فقدان تقاسيمي ) ،،
أبيات حالمه .. وشاعريه .. راقتني حدّ البذخ
صح كونك ولا عَدمْ : )

 

[ناصر بن حسين]

عبدالرحمن الزهراني


نص يطرق أبواب ارواحنا خِلسه

 

[محمد السالم]

أبو عوف مدهش

نقلت لنا حوار متشعب ومتداخل بعرض مسرحي اول

 

[نايف السميري]

.
.
مبهج .. ياعبدالرحمن ..!

وحضورك محرض حقيقي للاشياء الجميلة ..!
.
.

دمت بهذا النور ..
.
.


تحاياي

 

[عبدالعزيز سحل]

عبدالرحمن الزهراني

نص اكثر من رائع

احتاج لاكثر من قراءه

مودتي

 

[صالح العرجان]

عبدالرحمن الزهراني






هجمة غلا جتك مرتده
تستأذن إحساسك الراقي

سؤال واحد وابي رده
ما هزك الشوق لـ عناقي




حلمك مر بك بالقرب من وقفي قبل جده بـ 200 كيلو
نفس الشعور اللي خذاك خذاني


صح لسانك وصح فكرك


رد ود

 

[عبدالرحمن الزهراني]

المشاركة الأصلية كتبت بواسطة ندى القحطاني

حلمٌ مصلوبٌ على بيبانِ الرجاء !!
وما مصير الشكوى عندما تكون :
أشكي ل بُعده كيف يقوى بُعدي ؟!
ألغامٌ مزروعه على مساحاتِ شاسعه وسط أغوارِ هذه الأبيات الثائره !!
قائمهٌ على حوارٍ أحد طرفيه الجاني وشاعرنا المجني عليه ..
والدواعي / عشقٌ ك البحر ..بيّدَ أنه بلا ساحل : )
شعرت بخلل في : مابين وصلك وإنقطاعك وجدي !!
أرى لو أنحذفت كافيّ الخطاب ل أستقام المعنى والوزن كذلك
وأنت أعلم بها يا نقي : )
ودام المراره لاصقه في كبدي ..
وأنا تحديداً ( لصقت عند هذا البيت الصادق حدّ فقدان تقاسيمي ) ،،
أبيات حالمه .. وشاعريه .. راقتني حدّ البذخ
صح كونك ولا عَدمْ : )

ندى القحطاني .. الشاعرة الرائعة

مرحبا بمرورك العذب والجميل وكلماتك الرائعة .. وسعيد جدا بملاحظتك رغم اختلافي معها فالشطر موزون

ولا يوجد به خلل في الوزن ..

اعذب التحايا لقلبك وشكرا مرة اخرى على مرورك الكريم