الليـــل تــــوه

[مروان الحربي]

الليـــل توه

الليل توه والعيون أمست نعاس
وشلون بأرجي لباقي الليل خوه

نجمٍ سرى من بادي الليل لا باس
لا ضاق صدر الليل ما شب ضوه

ما عاد باقي من هوى الربع جلاس
إلا خيال ومستريبٍ دنوه

يمر بي طيفٍ على خاطرالناس
ولفٍ جفولٍ مستكينٍ مموه

صحيت لأجله حلم وأشعلت هوجاس
وأعددت له من خيل الأشواق قوه

واستنهضه قلبٍ على شفة الياس
ما ضمته بين الحنايا المروه

واستحضره فكرٍ شفوقٍ وحساس
كل ما مضى طيفٍ غريبٍ تأوه

دايم على صيد الطواريد قرناس
يرقى السحاب ولا تهيا سموه

وطرفت جفنٍ لأدعج العين مجلاس
حتى الشفاة ألزمتها لا تفوه

أتعبت ليل الشوق طرقي وعساس
أخايل مزون الهوى دون نوه

لقيته مبيت مع أنفاسي أنفاس
ومتربعٍ في وسط الأظلاع جوه

متملكٍ عرش الغلا لذوقه قياس
من لهفتي غيبت والليل توه

 

[شمس]

الشاعر القدير مروان الحربي
صح لسانك وطاب فالك
عظيم الشكر والتقدير

 

[عبدالله العويمر]

مرْوان
مُمْتِع هَذا النَبْض الأصِيْل

أهْلا ً بِك يَامروان

 

[نهار بن ممدوح]

الجميل مروان الحربي

صح لسانك


قصيده في غاية الجمال

لله درك على هذا الجمال

كل عام وأنت بخير

ودي وتقديري

 

[مروان الحربي]

اقتباس:المشاركة الأصلية كتبت بواسطة أريج العيسى

الشاعر القدير مروان الحربي

صح لسانك وطاب فالك
عظيم الشكر والتقدير




الأخت أريج العيسى

أهلاً بمرورك الغيث

لك كل الشكر والعرفان

 

[شوق الحمد]

أتعبت ليل الشوق طرقي وعساس
أخايل مزون الهوى دون نوه

لقيته مبيت مع أنفاسي أنفاس
ومتربعٍ في وسط الأظلاع جوه

صحَ هذا الحَرف البَآذخ

كريِم بالتميِز يامروآن


تحيتِي لكَ ..’

 

[مروان الحربي]

اقتباس:المشاركة الأصلية كتبت بواسطة عبدالله العويمر

مرْوان

مُمْتِع هَذا النَبْض الأصِيْل

أهْلا ً بِك يَامروان


عبدالله العويمر

الممتع مرورك الرائع

دمت بود

 

[فرج الشمري]

مروان

اصالتك تميز حضورك

ممتع يا مروان ..


تقبل تحاياي ..