][العمله النادره][ ,,!

[مهند الشدادي]

تسأول:
وش انت ؟ يا اللي تراعد لي مرازيمه
ومَن انت ؟ لو وقتك اعطى خبرتك خبره

انسان مجمل حياته في خواتيمه
انما اعتبر من زمانه اصبح العبره

ابتهال:
يا الله لا تذلّني لغيرك و خلقك بدد
عبدك معزّته منّك لابد ا/مبادره

لا تحطّني بين خلّاني زيادة عدد
ولا تحدّني يم قومٍ للخنى جادره

يا الله تحفظ خفوقي ا/من الوجيه الجدد
اللي بوجهي وفى و لّا ورى غادره

واسئلك تجعل مقامي مع طيور الهدد
عالي عن الهيّنه اليا بدت حادره

وتصلح نفوس العرب قبل انتفاخ الغدد
وتنزل علينا السكينه و الملا خادره

وتقرّب قلوبنا مع اجتناب الضدد
والصادره وارده و الوارده صادره

وتشرح لي الصدر دام القلب يطلب مدد
من رحمتك لو قلوب اصحابها هادره

وتفرج جميع الكُرب لو إن دربي سدُد
وعلى طريق السعد تجعل يدي قادره

ومن بعد قدرتك ترشدني لراي السدد
وتدلّني نبع طاعاتك ولا اغادره

ويا الله يا الله يا رحمان في هالصدد
جيتك وأبي رفقتي ا/من العمله النادره

حقيقه:
خل التكلّف و التعسّف على جنب
شاعر و لي مبدى كتبته بـ[حبري]

ابدع بكر بـ[الشعر] و اثبّت الطنب
واشوم و اسمو عن متاهات كبري

وليا ذكرت الموت مع نشوة الذنب
يفز [قلبي] لا تخيّلت قبري