كلهم كانوا هنــــــا ...

[ضوء خافت]

أنا لا أبالغ ... بل أحاول بلوغ النهاية .. نهاية كل شيء ..

[ضوء خافت]

جان جاك روسو يقول : المرأة كائن طويل الشعر قصير التفكير
هل يعني إذا قصت شعرها سيكون تفكيرها عميقاً و طويلاً !!
يبدو لي ان جان إياه وقع في هوى امرأة رائعة الجمال ... و خير للجميلات ألا يتكلمن أمام الفلاسفة و المفكرين بالذات

[ضوء خافت]

أن تنتظر مقابلاً لعطاءك فهذا من حقك ..
أما أن تعطي و لا تفكر بالمقابل ... فأنت هناك في قمة ما لا يصل إليها الكثير ...
أولئك لديهم ثروة لا حصر لها .. إنها غنى النفس ..

[ضوء خافت]

قرأتها ... شعرت باختلال و اعتلال و غبش في العين و ضيق ..
بكيت دقيقتين حداد ...
وضعت نفسي جانباً ... و أمسي دسسته في جيب تجاهل مؤقت ..
عدت لأقرأ من جديد ...
رأيت امرأة تبكي على هامش السطور .. تنعى ...
و رأيت الرجل الغامض ... يرتشف بقاياها .. و يكتب أشياء رائعة عنها ..
قرأت السطر السابع بتوتر ... و السطر الثاني عشر أثار غيرتها ..
و في السطر الأخير وجدت نفسها ... في النهاية الحزينة ..
هي تعلم أنها مجرد قصة ... كقصصها التي يحيكها خيالها الممزق ...
تمنت لو أنها النقطة التي تختم آخر قصصه ...

[ضوء خافت]

و كلهم عادوا ... ليكتبوا سطراً للذكرى ... بمناسبة تأبين قلبها الذي لا زال ينبض رغم ضعفه ..

[ضوء خافت]

... و يا حزني المقيم .. أعتذر منك إن ابتسمت أو ضحكت قليلاً ...

[ضوء خافت]

رغم كل شيء ... لا زلت أشعر بالألم في صدري .. يغزوه كلما تذكرت تلك الوعود ...

[ضوء خافت]

و نرجع لمحور حديثنا ...
أنا عارفة انكم عارفين انو انا مش عارفه انتو مين و لا جايين منين ..
و انتو عارفين انو انا عارفه انكم مش عارفين مين كان هنا قبل مين ..
بس اللي محدش عارفه و فاهمو .. احنا كلنا هنا ليه ... و بنعمل إيه كدا م الصبح لليل ..
فاضيين ؟
هربانين ؟؟
مستنيين ؟
رايحين ولا راجعين ؟
نايمين ولا صاحيين ؟؟
احنا ليه ساكتين و احنا نفسنا نتكلم ..
و ليه بنضحك لما قلوبنا عمّاله تبكي و تعيط
عاوزين ايه من الناس اللي لا احنا عارفينهم و لا همّا عارفين احنا مين ..!
بنفكر نضيع وقت ضايع أصلن ..
إيه الجنان ده ! ما فيه في الدنيا ملايين الحاجات ممكن تضيع لنا الأوقات ..
و تخلينا نضحك من قلوبنا ...
أنا بكتب هنا و على وشي تبان حاجات .. كويس انو المنتدى مفيهش مرايات ... كنا اتفضحنا
مش كفايه الي بنكتبو عامل زي حبل الغسيل ... لا سايب لنا منديل ولا جاكيت ولا حتى لحاف إلا تكلم و نطق و طلعلو لسان ..
سافرنا و رجعنا ... و رجعنا تاني متغربين .. لا بلادنا حضنتنا و لا حبيبنا فتح ذراعاته و قال : وحشتونا يا وحشين ..
أروح فين أنا بكل اللي فيّا ... أنا خايفه أسكت يقولو السكوت علامة الرضا .. وانا و ربنا شاهد على قلبي الخايب اني مش راضيه باللي حصل ..
بقيت زي اللي رقصوا ع السلم .. لا انا طلعت في العلالي و لا سابوني في البدروم ..
مش هسكت .. هكتب و اكتب و أعمل زيطة و زمبليطة .. و اعيط و اصرخ من غير ما حد فيكم يسمعني ...
بس تشوفوا كده وحده مجنونه و هبله .. مش عارفه هي هنا ليه !
سلام يا قلبي ..