نويت ارحل وودعهم ولكن خاطري مكسور
تعودت العطا لكن على الخدلان عوّدني
حملت الامتعه واقلعت بالرحله بدون شعور
ابي ديره بها دافع ليا حلّيت يسعدني
وانا جيت بيدي مشعل بنيرانه يشع النور
ولقيت اللي منّور له بنفس النار يوقدني
خساره سلطنه شعرك حقولٍ تشكي من البور
و انا لي سلطنه مثلك يثور الخير في مدني
انا ماني بقايل لك انا هارون يا نقفور
وانا كنت احسبك وافي اساندك وتساندني
طلبتك لا تخليني اصرّح واكشف المستور
حقيقه وانت تعرفني م احب احدٍ يعاندني
امانه والصقر غادر لجل يستانس العصفور
كأني اسمعه يصرح انا محدن يقيدني
يحلق في السماء عالي وعصفورتك فوق السور
واذا بيّن لك الواقع تأكد غير تفقدني
نومان سحل
آخر المشاركات
02-20-2021, 06:04 PM
سلطنة شعري
.
العرض الشجري