ما عاد أبي أكبر !!

[غادة الكاميليا]

:

:







ماعاد أبي أكبر

تكفين يا يمه ،،

كل ما كبرت أخاف

همي يصير أضعاف ،،

لأن العمر نبته

و لأن السنين عجاف ..




* * *


ذبلان قلبي والهوا

ما صافح جناحي ،،

أرسل عيوني للفضا

و ترتد لجراحي ..



* * *


و هاذي سنيني بالهوا

طارت .. و أنا ما طرت ،،

هي واعدتني بالسما

تكذب و أنا صدّقت ..



* * *


يا طير وصّـف لي السما

هي مالها جدران ،،

وشلون تسبح بالهوا

و تعيش به غرقان ؟!



* * *


علمني أكسر قيدهم

لي بالفضا أوطان ،،

منهو نفاني عن هلي

من كسّر الأغصان .. ؟


* * *


يا يمه أحلامي معي

ربيتها من صرت أعي ،،

و كل ما أتحرى منها

واحد .. يجيني به نعي ..


* * *


شوفي جفاف غيابهم

فطّر مواعيد اللقا ،،

يمه إذا ماني لهم

لا تنذريني للشقا ..


* * *


ما جرد الأرض الخريف

إلا من أوراق الشجر ،،

و الغيم لو يسكن سما

يرتاح بأحضانه مطر


* * *


للحين أدور لي عمر

ما عاش به قبلي ،،

لا ورد ذبله السهر

لا طير يشبه لي ..



* * *


و للحين يمه تحترين

أعياد ميلادي ،،

و أنا أحتري ميلاد هم

ينضاف لأمجادي !!





:


و كانت طفلة ...



سـ يحل موسم تساقطهم ،،

و قطاف أحلامها ..



:


غادة الكاميليا