في سرمدي الليل والبرد قااارس ...

[خالد الوقيت]

بسم الله

مساؤكم صحة وعافية وراحة بال

.

ـــــــــــــــــــــــــــــــــــــــــ

.

في سرمدي اللـــــيل والبرد قــــارس
............ والريح تنفــــض غيظها بالشـــــبابيك

سهرت كنّي لأقـــــــشر الهم حـــــارس
............ اراقــــب الســــاعه متى يذّن الديك

في ليلةٍ تسبق صبــــــاح المــــــدارس
............ وشلون اداوم ياعيـــــون الصعــاليك

تبــعثرت كل الكــــتب بالفـــهـــــارس
............ و تشربكت من فوق هاك الشــرابيك

وانا احاول قد ما اقدر وامــــــــارس
............ تصحيح وضعي بين هذي وهــذيك

تبتزّني ذكرى الرســــوم الــــدوارس
............ واسوق نفسي في هواها دواليــك

واقول وش جرّى طيور النــــــوارس
............ تفنــي زمنهـــــا في بحور التــهالـيك

من اشتبه عنده اغسطس ومــــــارس
............ شاف الحقايق كلها بعين تشكــــيك

والرجلي اللي طاح بيدين فــــارس
............ قل له تحرّ الموت ماعاد يمـــــديك

مــاكل غـــرسٍ تنبـــته كــــفّ غـارس
............ ولا كل صوتٍ يستحق قـــول لبــــيك
.
.
.