العيطبول الفاتنة.؟!!

[عبدالله العتيبي]

هبايب الحرمان فيني .... وهبّت
وسوط الحنان اللي كفربي ولاتاب

ولعبت بي آهات الوله وأستتبّت
يوم جعلت في صدري الآه مِحراب

غرون سرقني من زماني وثبّت
دقات قلبي حين طرياه .. بطناب

روحي معه راحت نثر يوم حبّت
وانا ادري ان الحب تاليه معطاب

من غاب ناري بين الاضلاع شبّت
نار الكريم اللي يشبّه .. للأجناب

ومن وين ماصبيتها طيب . صبّت
بفنجانه التقدير مني . والآعجاب

له رغبة الفارس بمهرن . تربّت
بسطبل خيل الهيلع الفارس عقاب

يالعيطبول . الخود . يالحلم تنبّت
صحرا بصوتي لا تهجّيتك أعشاب

يالغانية من حبك النفس .. طبّت
في حلم نهرن يجري بسر الأحباب

في .. سرمديّه نشوة آمال . لبّت
وأغتبت .. منها كل ماكنت أبغتاب

أعذب . وصف للحلم نجمة تخبّت
من تحت عنّاب الخجل ألف عنّاب

وودعتها وأقفت بها .. ثم .. قبّت
خيل النوى مع كل فجن له غياب !!

تبّت دروب البعد والهجر ... تبّت
والخطوة اللي مالها وجه وأسباب!!