" أرض السما "

[جمال الشقصي]

"


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]لو نشدت الحِب عن درب البلاد=تنتهض في يابس الأكباد ديمه
يا طريقي للمشاتل.. للحصاد=عطّري التاريخ علياه وأديمه
عزك اللي يشبه السبع العماد=تحرسه عين الحلاحيل الحكيمه
لك شموخ شيوخنا حصن وعتاد=هيبةٍ ما تجمع وتطرح بقيمه
يوم جمْر القايله في كل واد=عشتي في ظل عْربك خفرا وريمه
أشهد إن اسيادي جبالٍ شداد=راكزين أمجادهم في نحر غيمه
تاركين المجد بظهور الجياد=واركضوا في مهرة الليل وعتيمه
النجوم بشوتهم والرعْد زاد=والبروق بفعلهم ورث وغنيمه
علّمونا.. ما لنا صيت وزناد=لا برد دمّ الكرامه في صميمه
وعلّمونا ما نجي درب الحياد=لا انجرح طرْف الثرى من قلّ شيمه
من بدينا العمر باحضان المهاد=والتفق نسمع صداه بـْ.. (أُرْشليمه)
ومن عرفنا الشوف.. ما شفنا النكاد=ندري إن الفوز تركتنا القديمه
ما نعرْف نواجه الظلم بحياد=جوفنا من يعرب التاريخ خيمه
لو غفت عين الليوث مْن السهاد=ما سهينا في المفازات اللئيمه!
قلبك هْممنا الكبيره والعتاد=كيف نزعِل قلب حوّانا الكريمه؟
إنتي أمّ اللي ضمايرهم ضماد=ما اعْرفوا قولة (عواقبها وخيمه)
نطعم أكباد العدو نار الزناد=ولا تجي صوب (الإمارات) الهزيمه
دولتي.. وان ثارت سنين الرماد=تبقى عطر الأرض في نفنوف غيمه[/poem]



"