لاتستفز الجرح,,,!!

[غالية زهر]

لا تستفز الجرح..ياطاري الليل =أنا عقب هالليل منك..بريّة
ولاترسم الحسرة على ملمح سهيل =مايحتمل حزني تزود عليّه
أنا درست الحب..جيلٍ ورا جيل أنا =عطيت العشق كلي عطية..
جازفت بالخاطر..ولاعاد بي حيل =وافنيت ليلي في حلومٍ قصيّه
واجتزت بآلامي حدود وعراقيل =واخليت فكري من مطامع دِنيّه
لاني لقيت الدرب..يجرفني السيل= ولاني رضيت الهم..نفسي عصيّه
لاقلت اببدا واترك الصمت والقيل =وشلون اببدا..والنهاية جليّه؟؟
لاجيت ابضحك..واضوي الفرح قنديل= ماضحكي الا ضحك((شر البليّه))!!
غنيت باقي ذكرياتي..مواويل..= وابكيت سمّاعي...وعيني بكيّه!!!
جاوب سؤالي..يامذوقني الويل..= يامهدي العبره..لعيني..هديّه,,
شلتك على راسي..ولااثمر الشيل= واوصيتك بروحي..وخنت الوصيّه..
عزّيت قدرك فوووق..وارخصتني..حييل= وانا طوال العمر قبلك..أبيّه,,
من ضلع أعوج..بس..ماأعرف الميل =من أصل شامخ..ماخطيت الخطيّه..
أوَّلت افعالك..((بمليووون ))تأويل =ولاوصلت ....لحل هذي القضيه!!!!!
هذي جزاة الصدق؟؟خدعه..وتمثيل؟؟ =لاتحسب اني عن جحودك..سهيّه!!
وبحق..من نزّل كلامه بتنزيل =بذوِّقك..حر المواجع....بيديّه!!!
وابدل احساس الهنا شر تبديل =شوفة عذابك..يمكن احلى شويّه!!!
وانال منك..وانتشي لحظة النيل =واعلمك..واشلون..تشقي ((وفيه)),,,,

تقبلوا تحياتي..
غالــــ زهر ـــيـــــة

"بنت الغالي"