[~ بُعد السحابـــه ~

[فاطمة ناصر]

[poem=font=",6,skyblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] ان كان صوتك في فراقي ينادي = انا لأجل فرقاك صوتي أجره وان كان قصدك في تعاسة فؤادي = تبطي عظم ماتلحقه في مضره بُعد السحابه ماتجيها الــأيادي = وأبعد على مثلك سواة المجره اللي حصل وياك بالحيل عآآدي = مافيه داعي للعتب والتشره أكبر خطاك أنك تجرب عنآدي = الله يفكك من عنآدي وشره أنت استفزيت الغرام ومرادي = وقمت اتلاعب بالكلام وتفره مادام حُبي ماعليه انتقادي = أنا غنيه عن طريق ٍ تمره يعيش قلبي مايبيع المبادي = ياللي ضميرك عشت برده وحره وان كان وصلت عند قدح الزنادي = أصرخ على فرقاي والجيب طره[/poem]