[[ نافذة الشمال ]]

[فهد الزغيبي]

[[ مصافحة أولى ]] ................. ولن تبقى الوحيدهـ بـ ذاكرة أبعاد ....



أربع جهات

لـ يفتح أحدهم

نوافذهم

أو

نوافذ // هم







سكروا كل النوافذ إلا ( نافذة الشمال)

......... واتركوني مع هواها يمكن الخاطر يفيق

قلت يمكن..!! يعني فيها إحتمال واحتمال

......... يا يزول الضيق عني أو يزود الضيق ضيق

ضاقت (الأربع جهات) ولابقى عندي مجال

......... وأختفى صوت الحياة ولابقى عندي رفيق

حتى نبضي خان فيني يوم ناديته( تعال)

......... قلت ابتنفس كتابه وصرت انا أتنفس حريق

آه ياشين الأجابه .. لاقريت إن السؤال

......... من أنا ولوين رايح ينتهي بي هالطريق..؟

أدري إني شخص عابر ماامتلك لي راس مال

......... وادري إن الحزن هذا في عيوني مايليق

طال وقتك ياجروحي والأماني ماتُطال

......... أعتقيني وأتركيني في فضاءاتي طليق

خوذي مني ياجروحي (سرمديات الليال)

......... ورجعي حلم الطيور بطلّة الصبح الرقيق

وأغلقي كل النوافذ حتى (نافذة الشمال)

......... ودي أغفى عن همومي وأترك أحلامي تفيق

ودمتمـ بحبـ فهد