تعال واكتب حالتك/لحظتك شعراً ..!

[أمجاد محمد]

دقائق

إجلسي خمس دقائق

لا يريد الشعر كي يسقط كالدرويش

في الغيبوبة الكبرى

سوى خمس دقائق..

لا يريد الشعر كي يثقب لحم الورق العاري

سوى خمس دقائق

فاعشقيني لدقائق..

واختفي عن ناظري بعد دقائق

لست أحتاج إلى أكثر من علبة كبريتٍ

لإشعال ملايين الحرائق

إن أقوى قصص الحب التي أعرفها

لم تدم أكثر من خمس دقائق...

 

[فاتن حسين]

أبد عادي
واذا يعني جت اعيادي .؟
وش البادي .؟
لبس .. حلوى .. تهاني
.. وزيارة اجدادي ..
أبد عادي
ولاكنه حضر شي ..
يوم روتيني وهادي ..!

 

[أمجاد محمد]

الحَيَاة لَحن صَعب لاَ يُجيدُ عَزفهُ سِوىَ فنان يَتحلَى بِالتَفَاؤُل

 

[حنان العصيمي]

عـلمتني كـيف اعرفك لين صرت اجهلك
ضـيعتني فـي مـتاهاتك وكنت ارتجيك

 

[علي المحمد]

بعض العرب حبه يوردك الجنون
ولا يوصف له غلاه إحكاك له

ما يقنعه وصف الغلا لو وش يكون
لو كل حرف بالحرير يحاك له

الموت جاك وهو تقلبه الظنون
ولا لك الا الصبر ....وش وداك له

ان قلت ضايق ..قال..هونها تهون
مايدري ان ضيقتك له ..وبكاك له

تقعد تحبة وانت ساكت ومغبون
يمكن بيوم يقال له ما اوفاك له

وكانك مشكك هو يمون ..او ما يمون
تخيل ان عفت الصبر فرقاك له

غلاه من فوق الغلا ماهوب دون
وحكاه سمعك يجبرك بارخاك له

ودك تحطة فالعيون من العيون
وتبسط على رمضى الثرا يمناك له

وتظله من الشمس في ظل الجفون
ولا يمر اذنه سوا لباك له

وتسج من غيره لونهم يذكرون
ومنين ما سجت القدم ممشاك له

فلوٍ يميله الترف ميل الغصون
غصن ليان ومكرمه بسقاك له

جديله الى اقفى ستر منه المتون
كني بريحه لا إلتفت لدعاك له

يزها الملابس ..اي لبس..واي لون
وفالليل وجهه لا ظهر قداك له

كيك وعسل لكن ما هو في صحون
ودعاك من عين الحسود اغطاك له

اللة لا يعطيه ناس ينضلون
ويستر عليه من النحل لا ياكله

والوصف والتعبير في وصفه يخون
غير اطلب الله يستجيب ادعاك له

وعذال قلبك في محبته يهقوون
سكينهم عن قطع حبله حاكله

اللي من لحوم الاوادم ياكلون
وحلوقهم دافع البلا متواكله

ناس عن اعراض العرب ما يعرضون
ودايم على نفس الشكل والشاكله

في سلمهم اولى بالاكل الاقربون
واطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

من جاك منهم لا تبين له سنون
واضرب يمينه لا بغى يسراك له

يا جعلهم فدوة ثرى الغض الفتون
اللي على الدرب الطويل اخطاك له

طيفه الى نام البشر زارك بهون
وطيفك الى نام البشر سراك له

حبه دفان ومقبرة خضر الطعون
بين العظام العوج كنك ناكله

غروٍ يميله الترف ميل الغصون
ولا يوصف له غلاه احكاك له

 

[حنان العصيمي]

جيتك خيالي دخل خارج مجارات الردى
جيتك وبعيوني قرى ترفض جباهٍ تستكين

ابي صباحاتك مدن تستاهل دموعي ندى
ابي نهار مصافحك يستاهل اعصابي يدين!

( الحميدي الثقفي )

 

[أحمد الهايس]

هو جابك الشوق مدري جابتك غيره
...........المهم انك حبيبي تذكرت ولفيت

اليوم عيد وشوف بوجودك الديره
...........تلبس أكلاليل الورود لكل بيت

عقبك الخفاق ما همه مساييره
..........ولا ذاق طعم العيد حتى انت جيت

 

[فهد الماجدي]