الخيانه

[عبدالله الشغيبي]

.


الخيانه .. ( ارشيفيه )


هاذي عوايـد كـل خايـن وغـدار
قلبه مع هــذا وعيـنه على ذاك

لا تعتذر ما اقبل خداعـك والاعـذار
ماهو كلام الناس بالعيـن شفنـاك

لا تعـتـذر وتـقـول تصـريـف الاقــدار
وانـت الــذي بالـغـدر مديت يمناك

وانـا اللي اهديتـك من الهاجس اشعـار
واهديـت لــك قـلـبٍ يحـبـك ويهواك

جيتـك فـي الميـدان فـارس ومـغـوار
غدرت بي واسكنت فـ القلب شلفاك

ياما على شانك تحديـت الاخطـار
وياماعلى شانك تخطيـت الاشـواك

ويـامـا عـلـى حـيّـك تعنّـيـت مـشـوار
اشفق علـى شوفتـك واسعـد بلامـاك

كانت دموعـك لا تباطيـت مـدرار
واقول يا دمع التماسيح ما اقواك

اثر الدموع مخفّيه خبـث واسـرار
تخدع بها العاشق وتخفي نواياك

اول جنون الحب تحجب لـي انظـار
واليوم عـن عينـي تجلـت خطـايـاك

اول ريـاض القلب تنبت لك ازهار
واشعـلتـ نـيران الخيـانه بــلا ادراك

يا خاين عهود ومواثيق وش صار
من علمك فن الخيانه وجرااك

منهو لعب لك لعبة القط والفار
حتى دنا راسك ودنّسك واغواك

قلبك شقق للي يـدور لـه ايجـار
محال تخلص في الهوى واتحداك

مـا لـك وفـاء قلبـك مـع الكـل يندار
مـغـرور في نفسك وتايه بـدنـيـاك

خلك على طبعك ترى الوقـت دوار
لابد ما تبكـي نـدم مـن سوايـاك

رووح مع اللي حبه القلب واختـار
وانا بدوس القلب لو جاب طرياك

اللي حصل كبوة جواد ٍ بمضمـار
درس و عطيته واحد ٍ من ضحاياك

لان الخيانه طبـع فـي كـل غـدار
قلبه مـع هـذا وعينـه علـى ذاك


عبدالله الشهري




.