نَافِذه !

[سعيد الموسى]

*
______

" قضيّتي ماهي / الصّغارْ !
وأعني / الصغار بطبعهم !
المُترفين ب نقصهم !
الفارغين / بوعيهم ، الماكثين بجهلهم ، التافهين بحكيهم
الممتلين بغلّهم ، اللي رفاتك " شغلهم " - اللي الحياة أو موتهم
ماوقفّت / من دونهم !
لا لا ..
وأبَد يالكاملين : أحشم وعنهم تحشمون
هاللي بلا طعمٍ ولون ، لاوالله إلا " تكرمون "
أنا قضاياي : الرجال /
اللي يوازون الجبال !
اللي صغير أفعالهم ، يخبرك عن منزالهم
واللي كثير أفعالهم ، تأكيد عن أقوالهم !
الشامخين بكل شي
الطيبين الناصعين
اللي إذا مريتهم - تسبق "هلا" بسماتهم
ترحيبهم
يرقى بهم - ينبي لك أنك وسطهم - منهم ودارك دارهم !
واللي إذا ضاقت عليك / مايتركونك ، يسندوك
من دون حتّى / يشعروك ، أن الكثير / اوجاعهم
واللي رجال بكل شي
ماانته رفيق وقول خيّ !
لو يقطعون بلحمهم - مايتركونك خلفهم !
ياسيّدي / وأحنا رجال
مااحنا قليل - إلاّ / ثقال
أما كذا - والا عسى
ياجعل تفنى هاللحى ، بلاش نحيا بالريا ، بلاش حتى من ال افا
والله ماننطق " كفو "
الا لشخصٍ به علو
وان وصلّت حدّ الغلو !
يستاهلونه / هالسمو
-
أما عن الشعر وهلَه ، جنبني اللي " تجهله "
ماعزّنا فيه اللقب ، والا التكسّب والكذب !
راوين - تكرم روسنا
احنا نشيل اسماءنا ، شفها أنطرت من قبلنا !
وش شعرنا ؟ ماهو أبد قيمه لنا !
أقوالنا ؟ كسرة رغيف اوجاعنا ؟
اشيائنا ، لحظاتنا ؟ هاللي أمتلت بااوراقنا ؟
لالا .. غلط
والله غلط !
لاتنشغل في هاللغط !
أحنا " كبار " بلا شعر
نسوى بلد .. وبكْل فخر !
-
يعني التفت يمّ الصغار !
اللي قذف
واللي يغار !
واللي / هجى فيك الوقار !
والنقطة . اللي في البحار !؟
ياسيّدي / ماهي كذا !
وإن وقفّت / يعني / واِذا ؟
أما نجي فوق / الغمام !
والا بلاش من : الكلام !
ماجيت أدور لي / مقام !
شبعان رفعه / واحترام !
____

*