[ بعيدا ً عن الرّقابهْ ] !

[تركي الحربي]

من كم سنه رحت [ أتوسّط ] حق واحد من الشباب عند مدير من الربع في وزارة الصحه ، دخلنا على السكرتيره على موعدنا معاه وصادف إن عنده إجتماع طاريء يبيله نص ساعه على مايخلص ، سكرتيرته خوش بنت عمرها يتخطّف الأربعين فوقها / تحتها شوي بس مهتمّه بنفسها [ ذربه يعني ] ، وباين عليها إنسانه [ مُتفتّحه ] فاهمه في جيولوجيا الحياة يعني ، ضيّفتنا قهوه تركيه الله يجزاها خير ، ودارت بيننا سوالف خفيفه مواضيع عامه مدري شنو اللي خلانا ندخل في موضوع [ تعدد الزوجات ] هي ماكانت مؤيده بالمرّه لــ هالأمر وأنا في ذيك الساعه كنت في صفّها ، الحبيب اللي معي قام يخربط شوي | ضايقها بكلامه | ـــ يعنني !! ـــ ردّت عليه قالت له : تقدر تلوّن البيضْ أحمر وأخضر وأزرق من برّا لكن من الداخل كله متشابه ! ، وصل المدير وإستأذنّا منها ودخلنا عليه وقضينا حاجتنا يوم ركبنا سيارتنا نشدني /


- هي وش تقصد بـ سالفة البيضْ ؟!
+ يمكن إنها ماتريّقت بنت الحلال !

_ لا والله صج أسألك أنا من اليوم أفكر في سالفتها
+ هاللحين إذا كسرت البيضهْ وش يطلع لك

_ صفار !
+ ممتاز

_ بس !
+ بس !!

_ أنت إستفدت شي من هالمعلومه ؟!!
+ لا

_ صاحبك مالقى غير هالغبيه يحطها سكرتيره له
+ غبي !!