ثـورة مـشـاعـر

[محمد الزويد]

السلام عليكم و رحمة الله و بركاته




[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الضيق ينشدني عن هـْموم ليلك=و الوقت كابر عن يعد ساعة الكرب

ما بين ترديدة بقاك و رحيلك=فيض المشاعر اعلنت داخلك حرب

واللي يتوه بـْهفوة احلام نيلك=من حال الأعمى لو فقد وجهة الدرب

والسهره اللي حدّدت وجه ميلك=ليله حزينه ما بها همس ٍ و طرب

ما عاد به فرصه تجيني و اجيلك=فالشرق شفتك يوم انا رحلتي غرب

الروح ما تقبل وليفٍ بديلك=عاهدت نفسي تبقى بـْخافقي سرب

ما شفت من بين الخلايق مثيلك=كلك حلا والحس بك مرهف و ذرب

مااحلى تعابير الكلام بـْهديلك=البوح كاس مـْن الهوى تشربه شرب

واللحين صرت اتبع خفايا عليلك=تحكي عن احزانك وانا ممتلي كرب

حيرتني ما بين صدّك و ميلك=الى متى و الشوق في داخلك حرب[/poem]