أكثر من حنين ..

[ناصر حطاب الدهمشي]

أنا بريء منه ُ أمام الشعر ..!

[ بين الوجيه ]

اللي إسمعوني مـعْرفوا ليـش أغنِّـي
ـــــــــــــ و اللي قروني صفّقوا ما عرف ليش !

يا إن صوتي طـاف حزنـي أو إنِّـي
ـــــــــــــ شاعر حنينـه فـي كتاباتـه يْعيـش

وزعتنـي فينـي قـبـل تحتظـنِّـي
ـــــــــــــ فرقا .. تحرّض غربتـي للمطاريـش

ذبَّاحـتـي ..اسـألـك بالله حِـنِّـي
ـــــــــــــ الوقت متهوِّر و انـا ممتلـي طيـش

علَّمت زولي لـ/ اقفت إخطـاك عنِّـي
ـــــــــــــ يشـري غياباتِـه و لا يسـأل بإيـش

أرفض أكون بعين الأحبـاب .. كنـي
ـــــــــــــ طفل ٍ رمى يتْمه على الجوع بغشيـش

ذكِّيـت عمـري للـيـال وْ عطـنِّـي
ـــــــــــــ جنحان .. لكن عارية ما بهـا ريـش

ياما على وجهـي رقـن و سْحبنِّـي
ـــــــــــــ بين الوجيه..و لا حكن لي على ويش !

والموت .. لامِن قرَّب الصّبـح جَنِّـي
ـــــــــــــ يمشن على صدري ثقال و معاطيـش

عشرة ..سنيـن بعيشتـي شاركنِّـي
ـــــــــــــ عشرة سنين أرمي لهن فرحتي عيش

ذبَّاحتـي يـا كيـف أريّحـك منـي ؟
ـــــــــــــ أو كيف أفارق هالليالي .. أبااااعيـش
.
.
ناصر حطاب الدهمشي