الشوق

صلفيق الشمري · 03-13-2007, 07:22 PM

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]داهمني الوقت واللحضات تسرقني = مااقسى وداعك ياأول وآخر آمالي
الشوق مضني حبيبي وانت متعبني = والفال عند الولي هو أعلم بفالي
تسكن فؤادي وانا الحسرات تسكني = ماكنك إلا سكنت بمنزلٍ عالي
جاني وكسرت بسكوتك خاطر المجني = ولو مابصمتك كلامك يمكن اشوالي
لاقلت هذي الحقيقه جزءها مني = تلمس الجرح لاغنيت موالي
مااغليت مثلك تصدق من صغر سني = وان قلت بعدك فلا بعدك يجي غالي
ياقمة الذوق والإحساس سمعني = دقات قلبك على فرقاي ووصالي
ازهمني وكل ماحبيت تزهمني = اعظم تحيه عشانك ارفع عقالي
هنا تلعثم .. / .. هنا الريحان لعثمني = عمي أحييه كيف الحال ياخالي
من غيره اللي لاضاق الصدر يسعدني = الجاء لطيفه وهو لا ضاق يلجالي
ماصد عني جفا ناوي يولعني = لوح وتلويحته تطري على بالي
يتعمد العود ميلاته ويحرجني = مايدري اني اذوب وينقلب حالي
اذا تبسم شبيه الورد يذبحني = واذا تمنع اتى بما يفضح هبالي
ذبلت رموش الحيا والوجد ذبلني = لبا الحيا والغلا ورموش قتالي

داهمني الوقت واللحضات تسرقني = مااقسى وداعك ياأول وآخر آمالي[/POEM]

تقبلوا تحياتي

محمد الخريصي · 03-13-2007, 07:59 PM

المبدع ... (( صلفيق الشمري ))

صح لسانك ولاهنت

بيض الله وجهك

ابيات تعكس

حالة الوادع

ومرارته

ابيات تميل الى الحزن

تاره

والى الولع والغزل

تارة اخرى

تناقض جميل

تحياتي وتقديري ..............

اخوك .....

(( محمد الخريصي ))

رجا المريخي · 03-13-2007, 08:23 PM

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ذبلت رموش الحيا والوجد ذبلني = لبا الحيا والغلا ورموش قتالي

داهمني الوقت واللحضات تسرقني = مااقسى وداعك ياأول وآخر آمالي[/POEM]

صح الله لسانك أخي صلفيق

جزله من راس جزل

لك ودي