[ حَمَامٌ زَاجِلْ ]

[غاده]

تعبت من كذبك على احساسي العذب /
تعبت واحساسي مهو بأية احساس ،

يا اللي تقول الناس عاشت على الكذب /
انا تراني .. غير عـن باقي الناس !

 

[صالح العرجان]

شريت من ضيم آلمعاتب .. همآجـه
وغفيت فيك .. وليتني [ مآ وعيتك ]

يذبحني آنك شخص .. على مزآجه
ويذبحني آنك يوم تطلب ' عطيتك '" .. ؟!

 

[أمجاد محمد]

برد قارص
...وحكايات مضت .... ولهفة لزمن كان لي وله ..

 

[غاده]

آلضيق ../ مهنه شاغره لـ تاجر الجوع
...................... يحبس رغيف البسمه بـ جيب غدره

أيتام يطحن جوعها وجه الأسبوع
...................... يتخَاطفون بـ فم الأحزان كسره

يلهون في حزمة تناهيد , ودموع
.....................في ليل يسجن خلف الأبواب .. فجره

 

[صالح العرجان]

قال: لو حبيت غيرك وش تقول
قلت: أحاول قد مااقدر أمنعكـ


قال: وان عيت تطاوعك الحلول؟
قلت:أحـبه يابعد عمري معـكـ


قال: تقـدر؟ قلت: لو صبري يطول
مو مـهـم اللي يهم أسترجعــكـ


لو تبعثرني جـفـا عرضن وطـول
أجمعك وارجع وأحاول اجمعـكـ


قال: وعيونه يغـطـيهـا الذهــول
صعب تقـنعنـي وانا صعب أقنعكـ


قلت: ماهي مسألة رفض وقبول
أو مجرد كـلمتـن فـي مسمعـكـ


ألغلا مايقبل انصاف الحــلــول
يامعاك بصدق يا ماهو مـعــكـ

 

[أمجاد محمد]

ياحنين الشوق يانـار المـوده
يابعد روحي وياصادق غلاهـا
ليه لأجلك كل من جاني اصـده
ليه لأجلك تفرح الروح بعناهـا
ماخبرت الجرح يسعد من يهده
غير انا تلقى بك جروحي شفاها

 

[غاده]

,,
ألَم تعلَم أن السعاده تشبهك ؟
تشبهك كثيراً

 

[صالح العرجان]

تلوم العاشق بعينك وتذبح لهفةالافكار
وتشرب شايك الدافي ويقطع صمتك عروقه

تعاتبني على نظره بعيده والأمل ماصار
تعاملني كما المذنب وانت الذنب وخفوقه .. ؟!