ليل تشرين

[سعيد الموسى]

أهلاً بالغائب الحاضر ، أبن الحبق والريحان واغصان الرمان ..
أهلاً بعبدالله ..
قرأتها هكذا :

شوفي امنياتي صار ما عاد لها حلّ
.......... اخذ لها بروفين واحيان .. فيرين

تعبت والقولون بافكاري اعتلّ
.......... كبرت واحلامي هدف للطموحين

كبرت في ظني الصداقات بتقلّ
......... والناس تتهاوى في العسر واللين

كبرت لكنّ الشِعر ما بعد ضلّ
.......... مازال يقصدني اذا انتي تمرين

مازال يكتبني في السهل .. والتل
..... فوق السحاب وتحت سبع الاراضين

وكبرت بس الشيح والشار والفلّ
.......... مع المطر تزهر وتختال وتزين

والورد حتى الورد يزهى ويذبلّ
........ والعاشقين لشوفة الورد عجلين

الارض مبتلة وانا خاطري ابتلّ
..... ونوفمبر اقبل كيف ممكن تطلين؟

احب وجناتك وصدري لها ظلّ
..... من كنت طفل الين زرت الثلاثين

احب ضحكاتك ولا امزح مع الكل
...... اداعب انفاسك معي كان تدرين

احب غلطاتك واذا خاطرك زلّ
..... ادمح خطاك واكتبك لين ترضين

واللي يصبّح في عيونك فلا ملّ
....... واللي تمسينه يموت وتمسين

اصبح صباحه يوم شافك وهللّ
..... وامسى مساه اذا عليه بتنادين

تشرينك الثاني على غربتي طلّ
...... كل الاغاني حلوة بليل تشرين

غنّا الشتا والبرد همّ وتبسمل
.. وكل الحنين اللي مع النيم والتين

وصوت خالد بالشوارع توغل
. وكوبليه (افارق هم) بين المحبين

يا صاحبي / اهلا هلا / امر تدلل
. احساس خالد هوّ من عام تسعين

كل الكلام العذب فيك يتشكل
... كل الكلام الزين في منطقك زين

ان كان هذا النصّ فيك يتغزل
. فهو القصيد اللي بغيته من سنين

هنّ الحروفْ ان لم تغنَّ .. تُرَتّل
اخذ لها بروفين*واحيان*..*فيرين

-

ووجدتها من أجمل مايكون ومن اروع مايكون .. شاعر مذهل ياعبدالله منذ عرفتك
نورت ياجميل