[ رَسَائِل أُخَوِيّة ] :

[خالد صالح الحربي]

لـْ..عبدالعزيز رشيد :

من عَادَة الشرقيّة تْقَدّم اللُّول ،
ــــــــ وشلون بالله تَاخِذْ اللُّول : مِنّا ؟!

 

[خالد صالح الحربي]

لـْ..بسمة ال جابر والرّيم :

يا [ بسمة ال جابر ويالرّيم ] .. عندي كلام
ـــــــــ بِخْصُوص ما تزرعن ، بِخْصُوص ما تكتبن
في شغلكن ترجمة هذا المَثَل بالتّمَام :
ــــــــــ [ الحّيّ يحييك والمَيّت يزيدك غَبِن ] !

 

[خالد صالح الحربي]

لـِ..صديقي عقَاب الرّبع :

يَكْفِي أنّك كَسَبْت الشِّعْر وَ الذّائِقَة
ـــــ بين جُمْهُورٍ يْصَفّق عَلَى : خَيْبِته !
سَاحَةٍ للجَمَال وْ للحُسن عَائِقَة
ـــــ ماكَسَبْهَا سَوى اللّي فَرّط بْهَيبِته
مثلك لـْ..يَاتسَلْطَن سَلْطَنَة فَائِقَة
ـــــ لا طَلَع ، قِلْت للجُمْهُور يَاعَيْبِته !

 

[خالد صالح الحربي]

:
فاجعة من كل صوب .. وإتّجاه وناحية
.. . لاني اللي قادر أستوعب ولا قادر أصيح

شيء ما يُحكى ومشاعر ماهي بـ متواحيَه
.. . ماني بلاقي خطا .. فيها ولا لاقي صحيح

ليلةٍ ما تشبه " الليلات " ؛ والإصباحية..
.. . "كفّ كفّه" من هو اللّي مرّ به صبحٍ شحيح؟!

يالجريح من الكتابة .. ؛ لا كتابة ماحيَة
… لا كتابة ماحيَة .. ؛ “ضمن الكتابة “ يا جريح ..

غطّني ويّاك ؛ واللي راح منّي راح يَه.
… ضيّقة هذي السّعة ؛ من سطوة الضيق الفسيح

 

[خالد صالح الحربي]

:
يغيب ماجد وأنا اللي غيبته لا قِسْت ..
.. لوهي قصيرة طويلة مروِحة .. قشرى .
قالوا لي أنّه رُزِق مولود .. واسْتَانَسْت
.. ياحلو هالغيبة اللي جابت " البُشرى".

🌹