مشاركة أولى,,إن جيت يمك قالوا الناس وشفيك//وإن رحت عنك قالوا الله عليه!!

[عوده الزامل]

صباحكم شعر,,

أول المشاركات هنا..أتمنى أن تطيب لكم,,

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في عيد ميلادك ترددت بأهديك=وش عاد يصلح لك وينفع هديه
أقرب قريب وأبعد الناس غاليك=من شوفتك محروم ياهي خطيه
إن جيت يمك قالوا الناس وشفيك=وإن رحت عنك قالوا الله عليه!!
يرجيك قلبي بينهم يوم ينصيك=يبي حنانك ياحنان البريه
وإلا عيوني ساكناتٍ أراضيك=ما شوف غيرك يِطرب القلب زيه
وكلي بعد فدوه لحضرت معاليك=أنا الحياة اللي بعدكم شقيه
لا يالعنود.. القلب مابينها يديك=أما أرحميه, أو مات موته رديه
بأعيش للذكرى وإذا حل طاريك=في عيد ميلادك دموعي نديه
البعد ماخلى من الوصل نعطيك=والقرب مع غيرك حياته عصيه[/poem]

.

عوده الزامل